बाळकृष्ण सदाशिव कोळी (वय 45 राहणार बोलाणे तालुका जळगाव ) असे मृत व्यक्तीचे नाव आहे. बाळकृष्ण कोळी आणि संशयित आरोपी आकाश रामकृष्ण कोळी यांच्यात जुना वाद होता. बुधवारी मकर संक्रांतीच्या दिवशी बोलाणे येथील बस स्टँड परिसरात हा वाद पुन्हा उफाळून आला. रागाच्या भरात आकाश कोळी यांनी बाळकृष्ण यांच्यावर चॉपरने हल्ला चढवला. बाळकृष्ण यांच्यावर तीन वार करण्यात आल्याने त्यांचा जागीच मृत्यू झाला. हल्ला होत असताना बाळकृष्ण यांचा लहान मुलगा आपल्या वडिलांना वाचण्यासाठी मध्ये धावला. यावेळी हल्लेखोराच्या चॉपरचा वार मुलाच्या हाताला लागला आणि तो जखमी झाला आहे.
Pune News: पुण्यात दोन सख्ख्या बहिणींचा मृत्यू, मकर संक्रांतीला शिंदे कुटुंबावर दु:खाचा डोंगर कोसळला
नवीन वर्षाचा आज पहिलाच सण हा मकर संक्रांती आहे. याच दिवशी भरस्त्यात घडलेल्या या घटनेमुळे गावात प्रचंड खळबळ उडाली आहे. मयत बाळकृष्ण यांच्या नातेवाईकांनी दिलेल्या माहितीनुसार, मुख्य संस्थेत आकाश कोळी यांच्यासोबत त्यांचे वडील रामकृष्ण तालाचंद कोळी आणि काका प्रकाश ताराचंद कोळी हे देखील घटनास्थळी उपस्थित होते, या सर्वांच्या उपस्थितीत घटना घडल्याची माहिती आहे.

बाळकृष्ण कोळी हे बोलाणे गावात मजुरी करून आपल्या कुटुंबाचा उदरनिर्वाह करत होते. त्यांच्या निधनामुळे कुटुंबावर दुःखाचा डोंगर कोसळला आहे. त्यांच्या पश्चात वृद्ध आई-वडील भाऊ पत्नी, जयेश आणि विशाल दोन मुलं असा परिवार आहे. या प्रकरणामुळे बाळकृष्ण यांचे भाऊ नरेंद्र सदाशिव कोळी यांनी दिलेल्या फिर्यादीवरून जळगाव तालुका पोलिस स्टेशनमध्ये गुन्हा दाखल करण्याची प्रक्रिया रात्री उशिरापर्यंत सुरू होती. पोलिस आरोपींच्या शोधासाठी पथकं रवाना करत असून पुढील तपास करत आहे.