काय घडलं?
येमेका क्रिस्टीएन (वय ४०, सध्या रा. फुरसुंगी, मूळ रा. नायजेरिया) असे मृत तरुणाचे नाव आहे. नायेमेका मदुबची ओनिओ आणि किन्सली ओबा (दोघेही रा. लिमरास हाइट सोसायटी, पद्मावतीनगर, पिसोळी, मूळ रा. नायजेरिया) यांना ताब्यात घेतले आहे. त्यांच्या इतर साथीदारांविरुद्ध गुन्हा दाखल केल्याची माहिती काळेपडळ पोलिस ठाण्याचे वरिष्ठ पोलिस निरीक्षक मानसिंग पाटील यांनी दिली.

पोलिसांनी दिलेल्या माहितीनुसार, पिसोळीतील नायजेरियन महिलेने सोमवारी (१२ जानेवारी) मित्रांना जेवायला घरी बोलावले होते. त्या वेळी येमेका क्रिस्टीएन, किन्सली, ओबी, ओजे ओजगवा आणि नायेमेका मादूबुची ओनिया हे तिच्या घरी आले होते. जेवणादरम्यान प्रेमप्रकरणातून क्रिस्टीएन आणि इतरांमध्ये वाद झाला. वादाचे रुपांतर हाणामारीत झाले. त्यात किन्सली, ओबी, नायेमेका मादूबुची ओनिया आणि ओजे ओजगवा यांनी क्रिस्टीएनला लाथाबुक्क्यांनी बेदम मारहाण केली.

Pune Crime : तुम्ही हा टास्क पूर्ण करा पैसाच पैसा, टास्क पूर्ण केला पण… पुण्यात दोन तरूणांसोबत धक्कादायक घटना
गंभीर जखमी अवस्थेत क्रिस्टीएनला त्याचा मित्र गिफ्ट सिव्होनस ऊटाह (वय ३९, रा. वडाचीवाडी, उंड्री) याने वानवडीतील खासगी रुग्णालयात दाखल केले. मात्र, उपचारांदरम्यान त्याचा मृत्यू झाल्याचे डॉक्टरांनी सांगितले.

घटनेची माहिती मिळताच वरिष्ठ पोलिस निरीक्षक मानसिंग पाटील यांनी घटनास्थळी भेट देऊन तपास सुरू केला. पोलिसांनी ओनिओ आणि किन्सली ओबा यांना ताब्यात घेतले. उर्वरित आरोपींचा शोध सुरू आहे. प्रेमसंबंधातून हा प्रकार घडल्याचा प्राथमिक अंदाज आहे.

Crime News : रात्री घरात घुसून मिठी मारली, विरोध केल्याने 34 वर्षीय तरुणीचा जीव घेतला; आग लावून दिशाभूल, अखेर 18 वर्षीय तरुण अटक
आयटी कंपनीचे कंपाउंड तोडून धमकी
पिंपरी : हिंजवडी येथील एका आयटी कंपनीचे कंपाउंड तोडून नुकसान केल्याप्रकरणी आणि विचारणा केल्यावर एकाला जीवे मारण्याची धमकी दिल्याप्रकरणी तिघांवर गुन्हा दाखल झाला आहे. ही घटना मार्च २०२३ आणि १० जानेवारी २०२६ या कालावधीत ‘हिंजवडी फेज दोन’मधील एम्बसी टेक झोन येथे घडली. वाल्मिक हरिश्चंद्र शेळके (४५, कासारवाडी) यांनी हिंजवडी पोलिस ठाण्यात फिर्याद दिली आहे. पोलिसांनी नितीन मोहन भानुसे (मारुंजी) याला अटक केली असून, त्याच्या दोन इतर साथीदारांवर गुन्हा दाखल केला आहे.