राष्ट्रवादी अजित पवार पक्षाचे युवक अध्यक्ष आणि इतर तीन उमेदवारांनी कडाडून विरोध केला पण पालकमंत्री जयकुमार गोरे आणि भाजव आमदार देवेंद्र कोठे यांच्या उपस्थितीत राष्ट्रवादीचे उमेदवार तुषार जक्का यांनी जाहीररीत्या भाजप प्रवेश केला आहे. राष्ट्रवादी अजित पवार पक्षाच्या उमेदवारानेच भाजप प्रवेश केल्याने राष्ट्रवादीप धक्का बसला आहे.

राष्ट्रवादी अजित पवार पक्षाचे युवक अध्यक्ष सुहास कदम यांनी भाजपचे पालकमंत्री जयकुमार गोरे आणि मध्यचे भाजप आमदार देवेंद्र कोठें यांच्यावर गंभीर आरोप केला आहे. 25 लाख रुपयांत राष्ट्रवादीचा उमेदवार विकत घेतला आहे , असा आरोप राष्ट्रवादीच्या नेत्यांनी केला आहे.

शिंदेंच्या शिवसेनेचा संताप, महायुतीत ठिणगी; अखेर परळी नगरपरिषदेतून एमआयएमची एक्झिट, मुंडेंच्या बालेकिल्ल्यात नेमकं काय घडलं?

भाजपची मोठी खेळी

सोलापूर महानगरपालिका निवडणूक विजयी होण्यासाठी जास्तीतजास्त भाजचे उमेदवार निवडून यावे यासाठी भाजपकडून सर्व युक्त्या लढवल्या जात आहेत. काँग्रेस,शिवसेना(उबाठा),राष्ट्रवादी अजित पवार पक्ष, राष्ट्रवादी शरद पवार पक्षातील मोठ्या नेत्यांची भाजप प्रवेश करून घेतली जात आहेत.

निवडणूक दोन दिवसांवर आली आणि राष्ट्रवादी अजित पवार पक्षाकडून नगरसेवक पदाची निवडणूक लढवणाऱ्या उमेदवाराला भाजपने फोडले आहे. भाजप पालिका निवडणुकीत मोठी राजकीय खेळी खेळत आहे.

भाजप आमदारावर गंभीर आरोप केले

राष्ट्रवादी युवक काँग्रेसचे नेते सुहास कदम हे पालकमंत्री जय कुमार गोरे आणि सोलापूर मध्यचे आमदार देवेंद्र कोठे यांच्यावर गंभीर आरोप केले आहे. 25 लाख रुपयांत राष्ट्रवादीच्या उमेदवाराला खरेदी करण्याच डाव साधला आहे. भाजप रडीचा डाव खेळत आहे, असा गंभीर आरोप केला आहे.