अकोट नगर परिषदेत एमआयएमच्या पाचही नगरसेवकांनी भाजप उमेदवाराला पाठिंबा दिला. एमआयएमच्या पाठिंब्याच्या जोरावर भाजपचे जितेन बरेठिया विजयी झाले. स्वीकृत नगरसेवक पदाच्या निवडणुकीत त्यांनी बाजी मारली. अगदी टोकाच्या विचारधारा असलेले पक्ष अकोटमध्ये सोबत आले. त्यामुळे सत्तेपुढे सगळंच गौण असल्याची चर्चा राजकीय वर्तुळात सुरु झाली. नगर परिषदेत सत्तेसाठी भाजप आणि एमआयएमनं गेल्याच आठवड्यात युती केली होती. त्याचे तीव्र पडसाद राज्यभरात उमटले. यानंतर आता दोन्ही पक्षांच्या युतीचा दुसरा अंक पाहायला मिळत आहे.
MIM सोबतच्या युतीमुळे बेअब्रू; भाजपचं ‘ते’ पत्र समोर; पण चर्चा काँग्रेसच्या थेट कारवाईची
एमआयएमनं स्वीकृत नगरसेवक पदाच्या निवडणुकीत भाजपच्या जितेन बरेठिया यांचा पराभव केला. जितेन बरेठिया भाजपचे नेते आहेत. त्यांचे वडील रामचंद्र बरेठिया नगराध्यक्ष राहिलेले आहेत. तेदेखील भाजपचे नेते आहेत. एमआयएमच्या पाच नगरसेवकांनी पाठिंबा दिल्यानं बरेठिया निवडून आले. एकीकडे भाजप विचारधारेवरुन एमआयएमला सातत्यानं लक्ष्य करत असताना दुसरीकडे त्यांचेच नेते अशा युती करत असल्यानं आश्चर्य व्यक्त होत आहे. विचारधारेपेक्षा सत्ता महत्त्वाची असल्याची चर्चा यानंतर राजकीय वर्तुळात रंगू लागली आहे.
लेक है तो सेफ है! शिंदेंच्या पुत्राचा भाजपला धोबीपछाड; हायव्होल्टेज निवडणुकीत जोरदार धक्का
अकोटमध्ये भाजप-एमआयएम युतीचे पडसाद राज्यभरात उमटले. यानंतर युती गुंडाळण्यात आली. भाजपनं एमआयएमला आघाडीतून बाहेरचा रस्ता दाखवला आणि शिवसेना, शिवसेना उबाठा, राष्ट्रवादी काँग्रेस, राष्ट्रवादी काँग्रेस शप आणि प्रहार जनशक्ती यांना सोबत घेत सत्ता स्थापनेचा दावा केला.

नगर परिषदेच्या नगराध्यक्षपदी भाजपच्या माया धुळे विजयी झाल्या आहेत. पण सत्ता स्थापन करण्यासाठी आवश्यक असलेलं संख्याबळ कोणत्याही पक्षाकडे नाही. भाजपनं ३३ पैकी ११ जागा जिंकल्या आहेत. भाजप सर्वात मोठा पक्ष ठरला आहे. सत्ता स्थापन करण्यासाठी भाजपनं अकोट विकास मंच गठीत केला. यामध्ये दोन्ही शिवसेना आणि दोन्ही राष्ट्रवादी काँग्रेससह प्रहारचा समावेश आहे. या मंचात २० नगरसेवक आहेत.