“मराठी माणसाला गृहीत धरण्याचा प्रयत्न कुणीही करु नये. आज ही महापालिकेची निवडणूक लढवत असताना मराठी अस्मितेचा विषय आहेत, गेल्या तीन वर्षात ज्या पद्धतीने महापालिकेत नगरसेवक नसल्यामुळे तिचं ओरबाडणं सुरु आहे. त्याचं उत्तर आपल्याला मतद्वारे द्यायचं आहे”, असं आवाहन संदीप देशपांडे यांनी केलं.
BMC All Candidate List : मुंबई महापालिकेच्या निवडणुकीत तुमच्या प्रभागात कोणाकोणात लढत? वाचा A टू Z यादी
“आज माझी राज ठाकरे आणि उद्धव ठाकरे दोघांना विनंती आहे, मी महापालिकेत 2012 ते 2017 पर्यंत नगरसेवक म्हणून काम केलं आहे. आज महापालिकेची अत्यंत दयनीय अवस्था आहे. आज कंत्राटी कामगारांनी महापालिका भरत चालली आहे. तुम्ही सत्ता आल्यानंतर निर्णय घेतला तर आमच्या महाराष्ट्रातील मुंबईतील जवळपास दीड लाख लोकांना रोजगार मिळू शकतो. ते तुम्ही देऊ शकता. याची आकडेवारी आहे. खरेखुरे दीड लाख लोकांना रोजगार महापालिकेत देऊ शकतो. कारण 30 टक्के जागा महापालिकेने भरलेल्याच नाहीत. या जागा भरल्या तर वर्षाला 1 लाख लोकांना आपल्याला रोजगार देता येईल. त्यामुळे माझी विनंती आहे की, आपण त्या प्रकारचा निर्णय घ्यावा. मला खात्री आहे की, आमचे दोन्ही नेते त्या प्रकारचा निर्णय घेतील”, असा दावा संदीप देशपांडे यांनी केला.
Thane Municipal Election Candidate List : ठाणेकरांनो तुमच्या कामाची बातमी! महापालिका निवडणुकीतील A टू Z उमेदवारांची यादी इथे वाचा
“आज महापालिकेच्या BST ची फार वाईट अवस्था झालेली आहे. आमचे महापालिकेचे जे बीएसटीचे मराठी कामगार आहेत त्यांना पीएफ आणि थकबाकी मिळत नाही. त्यामुळे बीएसटी सारखी संस्था बीएमसीत मर्ज करावी. रोज सांगितलं जातं की, आम्ही विकास केला. मुंबईचा विकास केवळ भाजपने केला असं सांगितलं जातं. माझा त्यांना प्रश्न आहे की, रस्ते बांधणं याला विकास म्हणायचं का? ते म्हणाले, आम्ही कोस्टल रोड बांधलं. 2012 ला त्याचं काम झाला हे शिंदेंच्या शिवसेनेचे राहुल शेवाळेच सांगत आहेत”, असादेखील दावा संदीप देशपांडे यांनी केला.