CM Devendra Fadnavis: येत्या काही वर्षात मुंबईत तिसरं विमानतळ उभारले जाणार आहे. त्यामुळे छत्रपती शिवाजी महाराज आणि नवी मुंबई विमानतळाऐवजी एक नवा पर्याय मिळणार आहे. मुख्यमंत्र्यांनी याबद्दल बोलताना कोणत्या जागेवर विमानतळ उभारणीचा विचार सुरू आहे याची माहिती दिली.
कुठे बनणार विमानतळ?
राज्य सरकार विरार आणि पालघरया दोन्ही ठिकाणांचा सखोल अभ्यास करून कोणती जागा अधिक सोयीस्कर आणि दीर्घकालीन दृष्टीने फायदेशीर ठरेल, याचा निर्णय घेणार आहे. मुख्यमंत्री देवेंद्र फडणवीस यांनी शुक्रवारी सांगितले की, अंतिम निर्णयापूर्वी तज्ज्ञांकडून अभिप्राय मागवण्यात आला आहे. नालासोपारा येथे नागरी निवडणुकांच्या पार्श्वभूमीवर झालेल्या जाहीर सभेत ते बोलत होते.
Navi Mumbai Airport आणि भुयारी मेट्रोच्या नेटवर्कसाठी भरमसाठ दर, चक्क 1410% अधिक शुल्क; प्रवाशांना डेटा कधी मिळणार?
फडणवीस म्हणाले, “विरारमध्ये विमानतळ उभारण्यात आल्यास तो कोस्टल रोडमार्गे प्रस्तावित वाढवण बंदराशी थेट जोडता येईल, त्यामुळे कनेक्टिव्हिटी अधिक सुलभ होईल. तर पालघरची निवड झाल्यास वसई-विरार, विमानतळ आणि बंदर यांच्यातील वाहतूक सुविधा अधिक सक्षम करण्यात येतील.”
वसई-विरारचा विकास
पंतप्रधान नरेंद्र मोदी यांनी मंजुरी दिलेल्या या प्रकल्पाला गती देण्याबाबत सरकार सकारात्मक असल्याचे फडणवीस यांनी स्पष्ट केले. पालघर आणि वसई-विरार परिसरात बंदर, विमानतळ आणि बुलेट ट्रेनसारख्या महत्त्वाच्या पायाभूत सुविधांच्या माध्यमातून ‘तिसऱ्या मुंबईची परिसंस्था’ उभारण्याचे उद्दिष्ट असल्याचेही त्यांनी सांगितले.
Dahisar Metro Station: मुंबईत पहिल्यांदाच स्टेशनवरून बदलता येणार मेट्रो लाईन; मिरा रोड-अंधेरी थेट प्रवास, कुठे आहे सुविधा?
विकासाच्या मुद्द्यावर भर देत मुख्यमंत्र्यांनी या भागातमोठे बदल घडवून आणण्याचे आश्वासन दिले. तसेच प्रगती आणि कामगिरीच्या आधारावर मतदान करण्याचे आवाहन केले. “स्थानिक नागरी संस्थेत बदलाची गरज आहे,” असे म्हणत त्यांनी वसई–विरार महानगरपालिकेत सत्ताधारी बहुजन विकास आघाडीवर अप्रत्यक्ष टीका केली. वसई–विरार शहर महानगरपालिकेत 29 प्रभागांमध्ये एकूण 115 सदस्य निवडून दिले जाणार असून, त्यापैकी 58 जागा महिलांसाठी राखीव असणार आहेत.
Devendra Fadnavis EXCLUSIVE : जन्म नव्हे, कर्म महत्वाचं; ठाकरें बंधूंना मुख्यमंत्र्यांचं प्रत्युत्तर
नवी मुंबई विमानतळावर नो नेटवर्क
Navi Mumbai Airportवर प्रवाशांना टर्मिनलच्या आत मोबाईल नेटवर्क कव्हरेजचा जवळजवळ पूर्ण अभाव. कॉल कट होतात, मोबाईल डेटा उपलब्ध नसतो आणि ॲप-आधारित पेमेंट वारंवार अयशस्वी होतात, ज्यामुळे प्रवाशांना कुटुंबियांशी संपर्क साधणे आणि पुढील प्रवासासाठी वाहतूक बुक करणे यांसारख्या मूलभूत कामांसाठी जवळजवळ पूर्णपणे विमानतळाच्या मोफत वाय-फायवर अवलंबून राहावे लागते.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा