सापळा लावून खंडणी मागणाऱ्या तिघांना ताब्यात घेतले

जितेंद्र भोसले यांच्यावर सोलापूरमधील एका पोलीस ठाण्यात पूर्वी एका प्रकरणात गुन्हा दाखल झाला होता. तो गुन्हा मागे घेण्यासाठी आरोपींनी त्यांच्याकडे १५ लाख रुपयांची खंडणी मागितली होती. वारंवार खंडणीसाठी तगादा लावून आरोपींनी भोसले यांना प्रचंड त्रास दिला. यामुळे वैतागून भोसले यांनी पोलिसांकडे तक्रार दाखल केली होती. खंडणीची रक्कम देण्यासाठी शुक्रवारी सकाळी आरोपींनी फोन करून भोसले यांना एम्प्लॉयमेंट चौकातील एका प्रसिद्ध हॉटेलमध्ये बोलावले होते. भोसले यांनी याबाबत आधीच जोडभावी पेठ पोलीस ठाण्यात माहिती दिली होती. घटनेची खात्री करण्यासाठी सहाय्यक पोलीस निरीक्षक विष्णू गायकवाड यांनी दोन पंचांसह पथक तयार करून हॉटेल परिसरात सापळा रचला. ठरल्याप्रमाणे भोसले यांनी आरोपींना ५० हजार रुपये रोख, दीड लाख रुपयांचा एक चेक आणि १३ लाख रुपयांचा दुसरा चेक दिला.

Sunetra Pawar: महेश लांडगेंचा अजित पवारांवर एकेरी भाषेत प्रहार; पत्नी सुनेत्रा पवारांनी बालेकिल्ल्यात ठोकले ठाण, बैठकांचा धडाका…

पैसे व चेक स्वीकारताच पोलिसांनी तात्काळ कारवाई करत रक्कम आणि दोन्ही चेकसह तिन्ही आरोपींना ताब्यात घेतले. या प्रकरणी तिघांविरुद्ध बीएनएस ३०८(२), ३५१(३)(५) अंतर्गत गुन्हा दाखल करण्यात आला आहे.

‘पार्सल घेऊन या’ असा दिला इशारा

आरोपींनी भोसले यांच्याकडून पैसे स्वीकारल्यानंतर भोसले यांनी बाहेर थांबलेल्या पोलीस अधिकाऱ्यांना फोन करून, “साहेब, काम झालंय, पार्सल घेऊन या,” असा ठरलेला इशारा दिला. हा संकेत मिळताच बाहेर तैनात असलेली पोलीस टीम तातडीने हॉटेलमध्ये दाखल झाली.

अचानक झालेल्या या कारवाईमुळे नेमके काय घडले आहे हे आरोपींना काही क्षण कळलेच नाही. त्यांनी सुरुवातीला उडवाउडवीची उत्तरे देण्याचा प्रयत्न केला.