मिळालेल्या माहितीनुसार, बीड जिल्ह्याच्या केज तालुक्यातील दहिफळ वडमाऊली येथील रहिवाशी शीतल हिचा विवाह 3 वर्षापूर्वी धाराशिव जिल्ह्यातील वडजी येथील रहिवाशी अजय रामेश्वर जाधवर यांच्यासोबत झाला होता. लग्नानंतर एक वर्ष सासरच्यांनी शीतलला चांगलं सांभाळलं.
Indore News : सहा महिन्याचा लेक आईने गमावला, 9 दिवसांत 1400 वर रुग्ण; दहा बळींनंतर आता सरकार खडबडून जागे
परंतु, पती अजय जाधवरला ऑनलाइन गेमची सवय लागल्यामुळे त्याच्यावर मोठ्या प्रमाणात खासगी सावकारांचं कर्ज झालं. त्यानंतर त्याने शीतलचा छळ करण्यास सुरुवात झाली. तिला सतत मानसिक त्रास दिला जाऊ लागला. याबाबत शीतलने तिच्या आई-वडिलांना सांगितलं. तिच्या घरच्यांना असं वाटलं, की कदाचित कर्ज झालं आहे म्हणून सासरचे लोक चिडचिड करत असतील, त्यांना सावरून घेऊ म्हणून ठरवलं.
Beed News : कारखान्यात महिला कामासाठी गेली, ते परत आलीच नाही; एका घटनेने जीव गेला, बीडमध्ये हळहळ
दीड महिन्यापूर्वीच शीतलच्या आई – वडिलांनी त्यांची जमीन विकून 3 लाख रुपये शीतलच्या सासरच्या लोकांना दिले होते. परंतु, त्यानंतरही पती अजय जाधवर हा पत्नी शीतलला कॉल करून खासगी सावकारांना कॉलवर बोलण्यासाठी जबरदस्ती करत होता. नाही बोललीस तर बाळासह तुला जीवे मारून टाकीन म्हणून धमकी देत होता. याच कारणावरुन शीतलला सारखा मानसिक त्रास सहन करावा लागत होता. या प्रकरणाने शीतलचे आई-वडील देखील तणावाखाली होते. अशी सर्व माहिती फिर्यादीत दिली आहे.

माहेरहून 15 लाख रुपये घेऊन ये असं म्हणत शीतलला उपाशी ठेवून, शिवीगाळ करून, लाथा-बुक्क्यांनी मारहाण करून 16 नोव्हेंबर 2025 रोजी तिला घराबाहेर हाकललं. याप्रकरणी अखेर शीतल जाधवर (रा. वडजी, जि. धाराशिव ह. मु, दहिफळ वडमाऊली) यांच्या फिर्यादीवरून नुकताच केज पोलीस ठाण्यात सासरच्या तिघांवर अखेर गुन्हा दाखल करण्यात आला आहे. या प्रकरणी केज पोलीस अधिकचा तपास करत आहेत.