या राजकीय घडामोडीत प्रभाग ९ मधील उबाठा गटाचे बंडखोर उमेदवार महेश सुतार आणि पूजा सुतार, तसेच नियोजन समितीचे सदस्य सुखदेव तापकीर यांनी भाजपचा झेंडा हाती धरला. त्याचप्रमाणे प्रभाग ११ मधून उबाठा गटाचे अधिकृत उमेदवार बाळासाहेब धनवडे, विद्यार्थी सेनेचे अमर गायकवाड आणि माजी नगरसेवक पैलवान दिलीपदादा गायकवाड यांनीही आपल्या समर्थकांसह भाजपमध्ये प्रवेश करत महायुतीच्या उमेदवारांना पाठिंबा जाहीर केला.

चंद्रकांतदादा पाटील यांनी आपल्या पुणे येथील निवासस्थानी सर्व नूतन सदस्यांचे स्वागत केले. यावेळी बोलताना ते म्हणाले की, “भाजपचे दोन उमेदवार आधीच बिनविरोध निवडून आले आहेत आणि आता या महत्त्वाच्या पक्षप्रवेशांमुळे भाजपच्या विजयावर शिक्कामोर्तब झाले आहे. ही केवळ सुरुवात असून आगामी काळात भाजप महापालिकेत निर्विवाद वर्चस्व गाजवेल.”
Maharashtra Politics : ‘बिनविरोध’ नगरसेवकांबाबत निवडणूक आयोगाचं मोठं स्पष्टीकरण, ‘नोटा’चा पर्याय देत मतदान घेण्याच्या मागणीवर उत्तर
या प्रसंगी भाजपचे उमेदवार लहू बालवडकर, गणेश कळमकर, रोहिणी चिमटे, अजय मारणे, अभिजीत राऊत यांसह डॉ. संदीप बुटाला, प्रकाशतात्या बालवडकर आणि इतर प्रमुख पदाधिकारी मोठ्या संख्येने उपस्थित होते. ऐन निवडणुकीच्या तोंडावर उबाठा गटाच्या उमेदवारांनीच साथ सोडल्याने या प्रभागांमध्ये भाजपचे पारडे आता जड झाले आहे.
Ravindra Chavan : कोरियन फूड कुठे मिळेल? चव्हाणांचा पायलट जेवण शोधत गेला, येताना भाजपच्याच सभेच्या गर्दीत अडकला, शेवटी…

अर्जमाघारी उलटली, मग आता पुढे काय?

दरम्यान, अर्जमाघारीची मुदत उलटून गेल्यामुळे आता ईव्हीएमवर ठाकरे गटाच्या उमेदवारांची नावं असतीलच. त्यामुळे मतदारांना संबंधित उमेदवारांच्या नावापुढे मशालीचं चिन्ह आणि मतदानाचा पर्याय उपलब्ध राहील. परंतु, पक्षांतर करणारे उमेदवार प्रचाराच्या उर्वरित काळात “भाजपला मतदान करा, आमच्या नावासमोरील किंवा मशाल चिन्हापुढील बटण दाबू नका”, असे आवाहन करताना दिसतील.