याबाबत रामदास पवार यांच्या बहिणी रूपाली संतोष पुजारी (वय ३३, रा. लोणंद, सातारा) यांनी येवलेवाडी पोलिस ठाण्यात तक्रार दिली. शीतल काळे, अरविंद काळे, सतीश सरोदे, नितीन सरोदे, श्रुती कन्हेरे, ऋषी कन्हेरे आणि मोहन सोनार (सर्व रा. कोंढवा) अशी गुन्हा दाखल झालेल्यांची नावे आहेत.

Pune Crime: हातपाय चिकटपट्टीने बांधले अन् पाळण्याच्या दोरीने…; 2 वर्षीय लेकीला संपवून आईनेही संपवलं आयुष्य, धक्कादायक कारण समोर
नेमकं प्रकरण काय?
पोलिसांनी दिलेल्या माहितीनुसार, रामदास पवार कोंढव्यातील येवलेवाडी भागात ‘शीतल ग्लॅमअप युनिसेक्स सलून’ येथे कारागीर म्हणून काम करीत होते. सलूनची मालकीन शीतल काळे हिच्याशी त्यांचा काही कारणावरून वाद झाला होता. त्यानंतर संबंधित आरोपींनी पवार यांना पोलिसांकडे तक्रार करू, अशी धमकी दिली होती. आरोपींनी पवार यांच्याकडे पाच लाख रुपयांची मागणी केल्याचे तक्रारीत नमूद आहे.

Train Cancelled: पुणेकरांसाठी मोठी बातमी! दौंड-काष्टी मार्गावर दहा दिवस ब्लॉक; 17 रेल्वेगाड्या रद्द, पाहा वेळापत्रक
आरोपींकडून सुरू असलेल्या मानसिक त्रासामुळे रामदास पवार अत्यंत तणावात होते. या त्रासाबाबत त्यांनी बहिणीला आधीच माहिती दिली होती. आत्महत्येपूर्वी त्यांनी एका वहीत, तसेच समाजमाध्यमांवर आरोपींच्या त्रासामुळे आत्महत्या करीत असल्याचा उल्लेख करून ठेवला होता. पवार यांनी ३० डिसेंबरला लोणंद रेल्वे स्थानक परिसरात धावत्या रेल्वेगाडीखाली उडी मारून आत्महत्या केली. या घटनेनंतर त्यांच्या बहिणीने नुकतीच पोलिसांकडे तक्रार दिली. त्यानुसार येवलेवाडी पोलिसांनी संबंधितांविरुद्ध गुन्हा दाखल केला. येवलेवाडी पोलिस तपास करीत आहेत.