या घटनेत शारवी आदिनाथ देवडकर (वय दोन) आणि तिची आई छाया आदिनाथ देवडकर (वय २८) यांचा मृत्यू झाला आहे. या प्रकरणी शारवीचे वडील आदिनाथ संताराम देवडकर (वय ३०, रा. कारगिल फार्म हाउसजवळ, गोकुळनगर पठार, वारजे माळवाडी) यांनी वारजे माळवाडी पोलिस ठाण्यात तक्रार दिली आहे. त्यावरून गुन्हा दाखल करण्यात आला आहे.

Mangesh Kalokhe Death Case: पकडला चोरटा, निघाला खुनी! खोपोलीतील मंगेश काळोखेंची ‘कॉन्ट्रॅक्ट किलर’नेच हत्या, प्रकरण काय?
नेमकं काय घडलं?
पोलिसांनी दिलेल्या माहितीनुसार, देवडकर दाम्पत्य मूळचे बीड येथील आहे. ते गेल्या पाच वर्षांपासून वारज्यातील गोकुळनगर पठार परिसरात वास्तव्यास होते. तक्रारदार हे इलेक्ट्रिशियन म्हणून काम करतात, तर छाया या गृहिणी होत्या. त्यांची मुलगी शारवी हिला जन्मापासूनच अस्थिविकार होता. त्यावर उपचार सुरू होते. मात्र, तिचा आजार सहजासहजी बरा होणार नाही, असे त्यांना कळाले होते. मुलीच्या आजारामुळे छाया देवडकर मानसिक तणावात असल्याचे पोलिसांच्या तपासात समोर आले आहे.

शुक्रवारी (दोन जानेवारी) आदिनाथ देवडकर कामानिमित्त बाहेर गेले होते. दुपारी सुमारे दीडच्या सुमारास ते घरी परतले असता, घरातील पाळण्यात शारवी निपचित अवस्थेत आढळून आली. तिचे हात व पाय चिकटपट्टीने बांधलेले होते. त्याच वेळी पत्नी छायाने गळफास घेतल्याचेही त्यांच्या लक्षात आले. घाबरलेल्या अवस्थेत त्यांनी तातडीने पोलिसांना माहिती दिली.

घटनेची माहिती मिळताच वारजे माळवाडी पोलिसांनी घटनास्थळी धाव घेऊन पाहणी केली. आई आणि मुलीला तातडीने रुग्णालयात दाखल करण्यात आले; मात्र उपचारांपूर्वीच दोघींचा मृत्यू झाल्याचे डॉक्टरांनी घोषित केले. शवविच्छेदन अहवालात शारवीचा गळा आवळून खून झाल्याचे स्पष्ट झाल्यानंतर रात्री उशिरा गुन्हा दाखल करण्यात आला आहे.

Ravindra Chavan: महायुतीत वादाची ठिणगी; अजित पवारांबाबत मुख्यमंत्र्यांना सल्ला दिल्याचा रवींद्र चव्हाणांचा गौप्यस्फोट
पाळण्याच्या दोरीनेच घेतला जीव
शारवीला हाडे ठिसूळ होण्याचा आजार होता. त्यावर वरचेवर उपचार घ्यावे लागत होते. परिणामी, तिला असह्य वेदना होत होत्या. ही गोष्ट आई छायाला सतावत होती. त्यातून त्यांनी हे टोकाचे पाऊल उचलले. पाळण्याच्या दोरीने मुलीचा गळा आवळून खून केला, अशी माहिती वारजे माळवाडी पोलिस ठाण्याचे वरिष्ठ निरीक्षक विश्वजित काइंगडे यांनी दिली.