मिळालेल्या माहितीनुसार, सादिक यांनी टोकाचे पाऊल उचलण्यापूर्वी आपल्या हातावर काही लोकांची नावे लिहिली होती. लष्कर पोलिसांनी घटनास्थळाचा पंचनामा केला असता, त्यांना तब्बल ३० पानांची एक दीर्घ सुसाईड नोट सापडली आहे. या पत्रात त्यांनी आपल्या मृत्यूसाठी कारणीभूत असलेल्या व्यक्तींचा आणि त्यांच्या त्रासाचा सविस्तर पाढा वाचला आहे.
Mangesh Kalokhe Death Case: पकडला चोरटा, निघाला खुनी! खोपोलीतील मंगेश काळोखेंची ‘कॉन्ट्रॅक्ट किलर’नेच हत्या, प्रकरण काय?

नेमका वाद काय?

प्राथमिक तपासात असे समोर आले आहे की, हडपसर येथील सय्यद नगर भागातील पाच गुंठे जमिनीच्या तुकड्यावरून मृत सादिक कपूर आणि अजित पवार गटाचे राष्ट्रवादीचे उमेदवार फारुख शेख यांच्यात कायदेशीर किंवा जुना वाद सुरू होता. या जमिनीच्या वादातून फारुख शेख हे सतत मानसिक छळ करत असल्याचा दावा सादिक यांनी आपल्या शेवटच्या चिठ्ठीत केला आहे. शेख यांच्या जाचाला कंटाळूनच आपण जगाचा निरोप घेत असल्याचे त्यांनी पत्रात स्पष्टपणे नमूद केले आहे.
Ravindra Chavan: महायुतीत वादाची ठिणगी; अजित पवारांबाबत मुख्यमंत्र्यांना सल्ला दिल्याचा रवींद्र चव्हाणांचा गौप्यस्फोट
ऐन निवडणुकीच्या काळात एका उमेदवाराचे नाव अशा गंभीर प्रकरणात आल्याने राजकीय वर्तुळात उलटसुलट चर्चा सुरू झाली आहे. लष्कर पोलिसांनी या प्रकरणी अधिकृत तक्रार नोंदवून घेतली असून, सुसाईड नोटमध्ये उल्लेख असलेल्या नावांची चौकशी केली जात आहे. या पत्रात शेख यांच्या व्यतिरिक्त इतरही काही वजनदार व्यक्तींचा समावेश असल्याची चर्चा असून, पोलीस आता ३० पानांच्या त्या पत्रातील प्रत्येक दाव्याची शहानिशा करत आहेत.