राज्यभरात महापालिका निवडणुकांचा धुराळा उडताना दिसत आहे. अनेक ठिकाणी उमेदवारी मिळाली नाही म्हणून कार्यकर्ते नाराज झाल्याचे बघायला मिळाले. छत्रपती संभाजीनगर, नाशिक इथे तर कार्यकर्त्यांनी गोंधळ घातलेला बघायला मिळाला. पण पुण्यात शिवसेनेच्या कार्यकर्त्याने चक्क ‘एबी फॉर्म’च खाल्ल्याचं बघायला मिळालं.
मिळालेल्या माहितीनुसार, प्रभाग ३६ (अ) साठी पक्षाकडून दोन उमेदवारांना एबी फॉर्म देण्यात आल्याने पेच निर्माण झाला होता. बुधवारी सकाळी मच्छिंद्र ढवळे आणि उद्धव कांबळे यांच्यात यावरून जोरदार बाचाबाची झाली. ही वादावादी सुरू असतानाच, संतापलेल्या उद्धव कांबळे यांनी मच्छिंद्र ढवळे यांच्या हातातील पक्षाचा अधिकृत एबी फॉर्म खेचला आणि तो फाडून थेट तोंडात टाकून गिळून टाकला.
ऐन उमेदवारी अर्ज भरण्याच्या वेळी घडलेल्या या अजब प्रकारामुळे निवडणूक निर्णय अधिकाऱ्यांच्या कार्यालयाबाहेर प्रचंड तणाव निर्माण झाला. एकाच पक्षाच्या दोन कार्यकर्त्यांमधील हा अंतर्गत कलह पाहून उपस्थित नागरिक आणि इतर पक्षाचे उमेदवारही चक्रावून गेले. परिस्थिती हाताबाहेर जात असल्याचे पाहून पोलिसांनी तातडीने हस्तक्षेप केला. सरकारी कामात अडथळा आणल्याप्रकरणी आणि गोंधळ घातल्याप्रकरणी पोलिसांनी उद्धव कांबळे यांना ताब्यात घेतले आहे.
Municipal Election : मतदानाच्या आधीच गुलाल उधळला, भाजपची विजयी घोडदौड, राज्यभरात 6 नगरसेवकांची बिनविरोध निवड
निवडणुकीच्या तोंडावर ‘एबी फॉर्म’ खाऊन टाकण्याच्या या घटनेमुळे शिवसेनेच्या प्रतिमेला धक्का बसला असल्याची चर्चा स्थानिक पातळीवर सुरू आहे. उमेदवारी कोणाला मिळणार, यावरून झालेला हा राडा आता पोलीस ठाण्यापर्यंत पोहोचला आहे. दरम्यान, या घटनेनंतर मच्छिंद्र ढवळे यांना नवीन फॉर्म मिळणार की त्यांचा अर्ज अवैध ठरणार, याबाबत अद्याप अधिकृत स्पष्टता मिळालेली नाही.BIG BREAKING : संजय राऊतांच्या घरी बॉम्ब शोधक पथक आणि मुंबई पोलीस दाखल
दरम्यान, पुण्यात नुकतीच आणखी एक शिवसेना पदाधिकाऱ्याची अशाच प्रकारची बातमी समोर आली होती. शिवसेनेच्या एका महिला इच्छुक उमेदवाराने आपल्याला पक्षाने अधिकृत उमेदवारी दिल्याचा दावा केला. पक्षाने आपल्याला एबी फॉर्म दिला होता. पण आपला एबी फॉर्म दुसऱ्याने पळवून नेला, असा आरोप महिलेने केले होता. पुणे महापालिकेच्या प्रभाग 3 मधून इच्छुक उमेदवार पद्मा शेळके यांनी संबंधित आरोप केला होता.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा