पिंपरी-चिंचवड महापालिकेतील प्रभाग २४ मधील तीन जागांवर भाजपच्या ३ उमेदवारांचे एबी फॉर्म बाद ठरवण्यात आले आहेत. तर शिंदेसेनेच्या दोन उमेदवारांचे एबी फॉर्म बाद झाले आहेत. त्यामुळे आता या पाचही उमेदवारांना अपक्ष म्हणून निवडणूक लढवावी लागेल. त्यांना वेगळं चिन्ह देण्यात येईल. पक्षाचं अधिकृत चिन्ह त्यांना वापरण्यात येणार नाही.
मुंबईत महायुतीला मतदानापूर्वीच धक्के; 2 पराभव आताच निश्चित; मनसेचा पहिला विजय फिक्स?
शिवसेना खासदार श्रीरंग बारणे यांच्या प्रभागात स्वबळावर लढणाऱ्या दोन्ही पक्षांना मोठा फटका बसला आहे. अर्ज भरण्याची मुदत संपल्यावर पाचही उमेदवारांनी एबी फॉर्म दाखल केले होते. त्यावर विरोधी उमेदवारांनी आक्षेप नोंदवला आहे. त्यामुळे छाननी प्रक्रियेत एबी फॉर्म बाद ठरवण्यात आले. यामुळे पिंपरी-चिंचवड महापालिका निवडणुकीत भाजप आणि शिंदेंच्या शिवसेनेला धक्का बसला आहे. या पाचही ठिकाणी भाजप, शिंदेसेनेच्या उमेदवारांना अपक्ष लढावं लागणार आहे.

प्रभाग क्रमांक २४ मधील चित्र एकाएकी बदललं आहे. आता या प्रभागात कमळ चिन्हाचा एकच उमेदवार असेल, तर शिंदेसेनेचे दोन उमेदवार धनुष्यबाण चिन्हावर निवडणूक लढतील. चिन्हच गेल्यानं आता उमेदवारांची कोंडी झाली आहे. त्यांच्या प्रचारासाठी आता पक्षांना अधिक मेहनत घ्यावी लागेल. त्यांचं चिन्ह घरोघरी पोहोचवण्यासाठी प्रचार यंत्रणा कामाला लावावी लागेल.
75 वर्षे पूर्ण झालेल्या नेत्यांनी मार्गदर्शक मंडळात जावं का? थेट सवाल ऐकताच अमित शहा म्हणतात…
पिंपरी-चिंचवडमधील एकहाती सत्ता राखण्याचं आव्हान भाजपसमोर आहे. राष्ट्रवादी काँग्रेसच्या नेत्यांसाठी पायघड्या घालून भाजप शहरात भक्कम झाला. राष्ट्रवादी काँग्रेसचे नेते अजित पवार यांच्या शिलेदारांना गळाला लावून पिंपरी-चिंचवडमध्ये भाजप सत्तेत आला. २०१७ मध्ये भाजपनं राष्ट्रवादीचा पराभव करत महापालिका निवडणूक जिंकली. आताही निवडणूक जाहीर झाल्यानंतर भाजपनं राष्ट्रवादीचे अनेक स्थानिक नेते, माजी नगरसेवक फोडले आहेत.