बापूसाहेब पठारे यांचे सुपुत्र सुरेंद्र पठारे यांनी काही दिवसांपूर्वी भाजपमध्ये प्रवेश केला होता. मात्र प्रत्यक्षात उमेदवारी अर्ज दाखल केल्यानंतर सुरेंद्र पठारे यांच्या सोबत त्यांच्या पत्नी ऐश्वर्या पठारे या देखील भारतीय जनता पक्षाच्या तिकिटावर निवडणूक लढवणार असल्याचं समोर आलं आहे. ऐश्वर्या पठारे या प्रभाग क्रमांक तीनमधून निवडणूक लढवत आहेत. तर सुरेंद्र पठारे हे प्रभाग क्रमांक चारमधून निवडणुकीच्या रिंगणात उतरले आहेत. त्यामुळे शरद पवारांच्या आमदारांच्या घरातच त्यांचा मुलगा आणि सून हे भाजपच्या तिकिटावर निवडणूक लढवत असल्याने शहराच्या राजकारणात याची विशेष चर्चा रंगली आहे.
BMC Election : धाकधूक.. उत्कंठा.. अन् दुपारी अडीचला AB फॉर्म हाती, राज ठाकरेंच्या’शिवतीर्था’बाहेर काय-काय घडलं?
आगामी महानगरपालिका निवडणुकीच्या पार्श्वभूमीवर वडगाव शेरी मतदारसंघातून एक नवी आणि सकारात्मक राजकीय समीकरणे समोर आली आहेत. भारतीय जनता पक्षाने पूर्व पुण्यातून सुरेंद्र पठारे आणि ऐश्वर्या पठारे या दाम्पत्याला निवडणुकीच्या रिंगणात उतरवले आहे. या निर्णयामुळे ‘टीम देवेंद्र’ला पूर्व पुण्यात एक नवा युवा चेहरा मिळाल्याची चर्चा रंगली आहे.
Pune News : गुन्हेगारांना टायरमध्ये घालून फोडण्याची भाषा करणाऱ्या अजित पवारांनी दिली आंदेकर, मारणे यांच्या कुटुंबियांना उमेदवारी
पुण्याच्या प्रतिष्ठित ‘सीओईपी’ (COEP) अभियांत्रिकी महाविद्यालयाचे गोल्ड मेडलिस्ट असलेले सुरेंद्र पठारे यांनी अलीकडेच प्रदेशाध्यक्ष रवींद्र चव्हाण यांच्या उपस्थितीत भाजपमध्ये प्रवेश केला होता. आता त्यांना प्रभाग क्रमांक चार मधून त्यांना उमेदवारी देण्यात आली आहे. पक्षाच्या वरिष्ठ नेतृत्वाचा विश्वास आणि तरुणांमधील त्यांची लोकप्रियता यामुळे वडगाव शेरीतील निवडणुकीत भाजपची ताकद वाढल्याचे मानले जात आहे.

दुसरीकडे, प्रभाग क्रमांक तीनमधून ऐश्वर्या पठारे यांनी आपली उमेदवारी जाहीर केली आहे. केवळ एक राजकारणी म्हणूनच नव्हे, तर उद्योजिका आणि सामाजिक कार्यकर्त्या म्हणून त्यांची ओळख आहे. त्यांना २०१४ चा ‘महाराष्ट्र शासन युवा पुरस्कार’ आणि २०२२ चा ‘फायनान्शियल टाइम्स बिझनेस अवॉर्ड’ मिळाला आहे. ‘सखी प्रेरणा मंच’च्या माध्यमातून त्यांनी महिला सक्षमीकरणाचे मोठे जाळे विणले आहे.
Pune Municipal Election : चंद्रकांत दादांना विधानसभेत नडणाऱ्या माजी नगरसेवकाचं भाजपने तिकीट कापलं, पण अमोल बालवडकरांनी गेम फिरवला
पूर्व पुण्यात सहसा पारंपरिक राजकारण पाहायला मिळते. मात्र यावेळी भाजपने एका बाजूला तंत्रज्ञानाची जोड असलेले सुरेंद्र पठारे आणि दुसऱ्या बाजूला सामाजिक भान असलेल्या ऐश्वर्या पठारे यांना संधी देऊन निवडणुकीत रंगत आणली आहे. वडगाव शेरीतील मतदारांचा ओढा आता या उच्चशिक्षित आणि नव्या जोमाच्या नेतृत्वाकडे वळणार का? हे पाहणे आता औत्सुक्याचे ठरेल.