मागाठाणे विधानसभा मतदारसंघात प्रभाग क्रमांक ५ येतो. शिंदेसेनेचे प्रकाश सुर्वे इथले आमदार आहेत. २०१४ पासून ते निवडून येत आहेत. प्रभाग क्रमांक ५ त्यांना त्यांचा मुलगा राज सुर्वेसाठी हवा होता. त्यामुळे ते अडून बसले. तर भाजपचे विधान परिषदेतील गटनेते प्रवीण दरेकर त्यांचे बंधू प्रकाश दरेकर यांच्यासाठी आग्रही होते. त्यामुळे प्रभाग क्रमांक पाचसाठी शिंदेसेना आणि भाजपमध्ये जोरदार रस्सीखेच झाली. त्यातच उद्धव ठाकरेंच्या शिवसेनेतून शिंदेसेनेत आलेले माजी नगरसेवक संजय घाडीदेखील प्रभाग क्रमांक ५ मधून लढण्यास उत्सुक होते. त्यासाठी त्यांनी गेल्या अनेक महिन्यांपासून प्रभागात कामंही सुरु केली होती.
झटपट पटापट! शिंदेंना तिकीट मिळताच पाटील मातोश्रीवर; AB फॉर्म घेतला, ठाकरेंचा भाजपला पहिला धक्का
एका प्रभागासाठी तीन-तीन इच्छुक असल्यानं, दोन्ही पक्ष आग्रही असल्यानं मोठा पेच निर्माण झाला. अखेर ही जागा शिंदेसेनेला सुटली. आमदार प्रकाश सुर्वे यांनी त्यांच्या लेकासाठी ही जागा पदरात पाडून घेतली. त्यामुळे संजय घाडी यांची गोची झाली. स्थानिक नगरसेवक असलेल्या घाडी यांच्यावर प्रभाग सोडण्याची वेळ आली. त्यांना आता प्रभाग क्रमांक ४ मधून निवडणूक लढवावी लागणार आहे.

संजय घाडी प्रभाग क्रमांक ४ मधून लढणार असल्यानं मंगेश पांगारे नाराज झाले आहेत. शिंदेसेनेचे उपविभागप्रमुख असलेले मंगेश पांगारे प्रभाग क्रमांक ४ मधून तयारी करत होते. प्रभाग क्रमांक ४ मधून तिकीट मिळावं याचसाठी ते शिंदेसेनेत गेले होते. प्रकाश सुर्वे यांनी ठाकरेंची साथ सोडून शिंदेसेनेत प्रवेश करताच पांगारे यांनीही शिंदेसेनेची वाट धरली. त्यावेळी त्यांनी प्रभाग क्रमांक ४ साठी शब्द घेतला होता. पण आता संजय घाडी प्रभाग क्रमांक ५ सोडून ४ मध्ये आल्यानं पांगारे यांची कोंडी झाली आहे.
‘राजा’च्या आगमनानं निष्ठावंत अडगळीत; मुंबई भाजप अध्यक्षांच्या ऑफिसात ठिय्या; जोरदार घोषणा
विधान परिषदेतील भाजपचे गटनेते प्रवीण दरेकर त्यांच्या भावाला प्रभाग क्रमांक ५ मधून उमेदवारी मिळावी यासाठी आग्रही होते. पण ही जागा शिंदेसेनेच्या राज सुर्वे यांना सुटल्यानं प्रकाश दरेकर प्रभाग क्रमांक ३ मधून लढणार आहेत. त्यांना उमेदवारी जाहीर झाली. इथे शिंदेसेनेच्या बाळकृष्ण ब्रीद यांचा गेम झाला आहे. ते माजी नगरसेवक आहेत. आमदारांच्या बंधूप्रेम आणि पुत्रप्रेमामुळे राजकीय पार्श्वभूमी नसलेल्या पदाधिकाऱ्यांच्या पदरी निराशा पडली आहे.