पोलिसांनी दिलेल्या माहितीनुसार, नरदास नगरला जाणारी ६०६ क्रमांकाची वातानुकूलित बस रात्री साडेनऊच्या सुमारास भांडुप स्थानकाच्या पश्चिमेला आली. चालकाने बस मागे घेतली आणि त्यानंतर बस वळवत असताना ब्रेकऐवजी त्याचा पाय ॲक्सिलेटरवर पडला. त्यामुळे बसने अचानक वेग पकडला आणि ती पदपथावर चढली. बसवर नियंत्रण मिळविण्याचा चालकाने प्रयत्न केला असता बस थांब्यावर रांगेत उभ्या असलेल्या प्रवाशांवर जाऊन धडकली. काही सेकंदात हा प्रकार घडल्यामुळे एकच गोंधळ उडाला. या गडबडीत बसने १४ प्रवाशांना जोरदार धडक दिली. त्या धडकेने थांब्यावरील प्रवासी इतस्ततः फेकले गेले. त्यातील चौघे जण जागीच ठार झाले, तर दहा जण जबर जखमी झाले. धडकेनंतर बस थांबविण्यात चालकाला यश आले.

Mumbai Crime: ‘थर्टी फर्स्ट’च्या आधीच मुंबईत मोठी कारवाई; तब्बल 36 कोटींचे हेरॉइन जप्त, नऊ अटकेत
अपघाताची माहिती मिळताच भांडुप पोलिस आणि उपायुक्त हेमराजसिंग राजपूत घटनास्थळी पोहोचले. स्थानिकांच्या मदतीने जखमींना राजावाडी आणि अग्रवाल रुग्णालयात नेण्यात आले. जखमींपैकी एकाची ओळख पटली असून प्रशांत लाड (५१) असे त्याचे नाव आहे. चालकाला ताब्यात घेण्यात आले असून चौकशी सुरू असल्याचे पाेलिसांकडून सांगण्यात आले. अपघातानंतर अग्निशमन दलाचे जवान तसेच न्यायवैद्यक विभागाचे पथक घटनास्थळी दाखल झाले. त्यांनी घटनास्थळाची तपासणी केली.

Mumbai News: कबुतरखान्यावर दाणे टाकणे भोवले! हायकोर्टाने दोषी ठरवून ठोठावला 5 हजारांचा दंड
कुर्ल्याच्या कटू आठवणी
कुर्ला येथील बेस्ट बसचा अपघात गेल्या वर्षी ९ डिसेंबर रोजी झाला होता. त्यात सात जण ठार तर ४९ जण जखमी झाले होते. चालकाच्या चुकीमुळे हा अपघात झाल्याचे तपासात निष्पन्न झाले. भांडुपच्या अपघातामुळे कुर्ल्याच्या अपघाताच्या कटु आठवणी जाग्या झाल्या.