राज्यातील विविध महापालिका युती म्हणून एकत्र लढण्यासंदर्भात निर्णय झाला असला तरी मिरा-भाईंदर मध्ये चर्चा देखील मागील अनेक दिवसांत सुरू झाली नव्हती.याउलट दोन्ही पक्षांकडून एकमेकांवर आरोप प्रत्यारोपांच्या फैरी सुरू होत्या. यातून युती न होण्याचे संकेत दिसत होते. यातच बुधवारी भाजप प्रदेशाध्यक्ष रवींद्र चव्हाण यांनी मिरा- भाईंदर पालिका निवडणुका युती म्हणून एकत्र लढण्यासाठी शिवसेना आणि भाजप च्या प्रत्येकी तीन नेत्यांची समन्वय समिती स्थापन केली आहे.

त्यानंतर युतीच्या चर्चेची दरवाजे दोन्ही बाजूने खुली झाली आहेत. शुक्रवारी सरनाईक व स्थानिक भाजपचे आमदार नरेंद्र मेहता यांची भाजप कार्यालयात बैठक पार पडली होती. यावेळी जागावाटपावर केवळ प्राथमिक चर्चा पार पडली होतो.त्यावर ठोस असा कोणताच निर्णय घेण्यात आला नव्हता. याला दोन दिवसांचा कालावधी उलटला असला तरी भाजपकडून युती कारण्याबत प्रतिसाद मिळाला नसल्याची माहिती सरनाईक यांनी रविवारी दिली.

BMC Election: मुंबईत ‘हाताला ‘वंचित’ची साथ; महापालिका निवडणुकीसाठी काँग्रेस-वंचितची युती जाहीर, कोणाला किती जागा?

उमेदवारी अर्ज दाखल करण्यासाठी अवघे दोन दिवस शिल्लक आहेत. त्यामुळे येत्या २४ तासात युतीबाबत भाजपकडून सकारात्मक प्रतिसाद मिळण्याची वाट पाहिली जाणार आहे. अन्यथा पुढील निर्णय म्हणजेच अप्रत्यक्ष स्वतंत्र लढण्याचा निर्णय घेतला जाणार असल्याचे सरनाईक यांनी सांगितले.

त्या व्यवहाराला मेहतांचे समर्थन

भाजपने युती करण्यासाठी तीन अटी शर्ती ठेवल्या होत्या. यात मिरा रोड येथील शिवार गार्डनच्या आरक्षित भूखंडाचा समावेश होता. याबाबतच्या ठरावावर स्वतः मेहता यांच्या स्वाक्षऱ्या असल्याचे सरनाईक यांनी सांगितले. तसेच त्यांनी भाजपचे ज्याप्रमाणे काही कार्यकर्ते शिवसेनेत घेतले आहेत.

त्याचप्रमाणे आमचे काही माजी नगरसेवकांना भाजपने घेतले असल्याचा मुद्दा ही सरनाईक यांनी मांडला.जागा वाटपात लहान भाऊ म्हणून जागा स्वीकार करण्यास तयार आहेत.मात्र अस्तित्वात असलेल्या माजी नगरसेवकांच्या तुलनेत कमी जागा दिला तर ते चालणार नाहीत असे ही ते म्हणाले.