उपमुख्यमंत्री अजित पवार यांनी मोठी घोषणा केली आहे. पिंपरी चिंचवड महापालिका निवडणुकीत दोन्ही राष्ट्रवादी एकत्र निवडणूक लढवू, अशी घोषणा अजित पवार यांनी केली आहे.
अजित पवार यांनी पिंपरी-चिंचवडमधील तळवडे येथे राष्ट्रवादी काँग्रेसच्या उमेदवाराच्या प्रचाराचा नारळ फोडला. यावेळी आयोजित जाहीर सभेत ते बोलत होते. यावेळी त्यांनी दोन्ही राष्ट्रवादींच्या युतीची घोषणा केली. “चिंचवडमध्ये राष्ट्रवादी पक्ष म्हणजे घड्याळ आणि तुतारी एकत्र लढत आहेत. हा परिवार पुन्हा एकत्र येत आहे. दोन्ही पक्षाने एकत्र यावे हे बऱ्याच जणांच्या मनात होतं. महाराष्ट्राच्या सर्वांगीण विकासासाठी काही गोष्टी कराव्या लागत आहेत. पुढे मागे करून जागावाटप केले आहे. येणाऱ्या दोन दिवसात तुम्हाला कळेल”, अशी घोषणा अजित पवार यांनी केली. अजित पवार यांनी यावेळी आपल्या भाषणात पक्षांतर, भ्रष्टाचार आणि कायदा-सुव्यवस्थेवरून भाजपवर निशाणादेखील साधला.
अजित पवारांचा भाजवर निशाणा
“माझ्या २५ वर्षांच्या राजकीय कारकिर्दीत मी कधीही फोडाफोडीचं राजकारण केलं नाही. ज्याला पक्षात यायचं असेल तो स्वखुशीनं यायचा. मात्र सध्या दमबाजी, दबाव आणि धमकावण्याचे प्रकार सुरू आहेत. हे नेमकं काय चाललं आहे?” असा सवाल करत उपमुख्यमंत्री अजित पवार यांनी भाजपवर जोरदार टीका केली आहे.
“पिंपरी-चिंचवड महानगरपालिकेत प्रचंड भ्रष्टाचार बोकाळला आहे. एकेकाळी आशिया खंडातील सर्वात श्रीमंत महानगरपालिका म्हणून ओळख असलेली महानगर पालिका आज कर्जबाजारी झाली आहे. हे दुर्दैवी आहे”, असं अजित पवार म्हणाले.
अजित पवार आणखी काय-काय म्हणाले?
- “1992 ते 2017 या काळात महानगरपालिका चालवताना कधीही कर्ज काढावं लागलं नाही. त्या काळात मी सांगितलेले महापौर, स्थायी समिती अध्यक्ष आणि नगरसेवक नागरिकांनी निवडून दिले. माझ्यावर त्या काळात पाच पैशांचाही भ्रष्टाचाराचा आरोप झाला नाही.”
- “महानगरपालिका निवडणुका उशिरा झाल्याबद्दलही अजित पवारांनी नाराजी व्यक्त केली. “2017 नंतर 2022 मध्ये निवडणूक व्हायला हवी होती. कोरोना आणि इतर कारणांमुळे निवडणुका पुढे ढकलल्या गेल्या.”
- “पिंपरी-चिंचवडमध्ये पोलिसांचा दरारा राहिलेला नाही. काही व्यक्तींना थेट बोलावून दम दिला जात आहे. काहींची बांधकामं थांबवली जात आहेत. हे असले धंदे पिंपरी-चिंचवडकरांनी खपवून घेऊ नयेत.”
- “मतदानाचा अधिकार संविधानाने दिला आहे. कुणाच्याही दबावाला घाबरू नका. विचार करून मतदान करा.”
- “आम्ही कधी जातीवाद किंवा जातीभेद केला नाही. आपलं रक्त लाल आहे. 2029 मध्ये पाच आमदार निवडून येतील आणि 288 आमदारांबरोबर 96 महिला आमदार विधानसभेत असतील.”
- “अलीकडील निवडणुकांमध्ये सर्वाधिक नगराध्यक्ष राष्ट्रवादी काँग्रेसचे निवडून आले आहेत. हे सर्वांना माहीत आहे की राष्ट्रवादीच काम करू शकते.”
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा