पालिकेच्या निवडणुकीतील शिवसेना – भाजप युतीबद्दल दोन्हीही पक्षांमध्ये रस्सीखेच सुरू आहे. युतीसाठीच्या नऊ बैठका आतापर्यंत पार पडल्या, त्यातून काहीच निष्पन्न झाले नाही. नववी बैठक शनिवारी माजी केंद्रीय राज्यमंत्री तथा खासदार डॉ. भागवत कराड यांच्या निवासस्थानी झाली. सकाळी दहाच्या सुमारास सुरू झालेली बैठक दुपारी चार वाजता संपली.
Ahilyanagar News : भाजप-राष्ट्रवादीची खलबतं, शिंदेसेनेचा तिढा कायम; अहिल्यानगर महापालिकेत आकड्यांवरच अडलं घोडं
या बैठकीला भाजपकडून डॉ. कराड यांच्यासह मंत्री अतुल सावे, आमदार संजय केणेकर, आमदार अनुराधा चव्हाण, शहराध्यक्ष किशोर शितोळे आणि निवडणूक प्रमुख समीर राजूरकर उपस्थित होते; तर शिवसेनेकडून पालकमंत्री संजय शिरसाट , खासदार संदीपान भुमरे, माजी आमदार किशनचंद तनवाणी, जिल्हाप्रमुख राजेंद्र जंजाळ, माजी महापौर विकास जैन, युवासेनेचे हृषीकेश जैस्वाल आणि पारकर उपस्थित होते.
Crime News : ‘मी दुसरं लग्न करेन’; नवऱ्याच्या सतत धमक्या अन् छळ, पोटात जुळी लेकरं, गर्भवती महिलेनं नको ते केलं; महाराष्ट्र हादरला
बैठकीनंतर पालकमंत्री संजय शिरसाट यांनी माध्यमांशी संवाद साधला. ते म्हणाले, ‘युतीबद्दल दोन्हीही पक्षांची भूमिका सकारात्मक आहे. पाच-सहा जागांवर तिढा कायम आहे. ज्या जागांवर तिढा आहे त्या जागांची यादी करून भाजपच्या प्रतिनिधींनी चंद्रशेखर बावनकुळे यांना पाठवली असून, शिवसेनेतर्फे मुख्यनेते एकनाथ शिंदे यांना पाठवण्यात आली आहे. हे दोन्हीही नेते चर्चा करून निर्णय देतील, त्यानंतर युतीबद्दलची घोषणा करण्यात येईल. आम्हाला युती गरजेची असून, त्यासाठी किरकोळ वाद मिटवण्याचा आमचा प्रयत्न आहे.’

शिवसेनेचे जिल्हाप्रमुख राजेंद्र जंजाळ, भाजपचे आमदार संजय केणेकर यांनी देखील बैठकीबद्दल माहिती दिली. या वेळी किशोर शितोळे हजर होते.