अर्ज भरायला परवानगी द्यायला नको होती

आंदेकर कुटुंबियांनी उमेदवारी अर्ज भरल्यानंतर आयुष कोमकरच्या आईने पत्रकार परिषद घेत संतप्त सवाल उपस्थित केले आहेत. आंदेकर यांना पोलिसांनी आणि न्यायालयाने अर्ज भरायला परवानगी दिली. निवडणूक अर्ज भरण्यासाठी काल घोषणाबाजी करत आले, हे चुकीचे आहे, याबाबत मी कोर्टाकडे जाणार आहे. अर्ज भरायला परवानगी द्यायला नको होती. अर्ज मुद्दाम चुकवला ते इथे राहून निवडणूक लढवणार आहेत. त्यांना अर्ज भरण्याची परवानगी द्यायला नको होती. लोकाची घरे आंदेकर यांनी उध्वस्त केली आहेत. त्यांनी लोकांची काय कामे केली आहेत. लोकांना माझं आवाहन आहे, लोकांनी त्यांना मतदान करू नये, त्यांना निवडून देऊ नये, कुठल्या पक्षाने त्यांना फॉर्म देऊ नये, असंही कल्याणी कोमकरने म्हटलं आहे.

Bandu Aandekar : बंडू आंदेकर याला मोठा धक्का, माजात गेलेला, आता बसला दणका, निवडणूक लढू नाही शकणार?

पक्ष कार्यालयाबाहेर मी आंदोलन करेल

मी निवडणूक लढवणार आहे. अन्यायाच्या विरोधात लढण्यासाठी मला उमेदवारी द्यावी. अजित पवार यांना मी मागणी करते आहे की, आंदेकर यांना तिकीट देऊ नये, अजित पवार कोयता गँग थांबवा असे म्हणतात मग त्यांना तिकीट देऊ नये. मी कोर्टात आंदेकर यांच्या विरोधात जाणार आहे. मला माहिती नाही, आंदेकर यांना कोण मदत करत आहे, पण राजकीय लोक मदत करतात, हे मात्र नक्की आहे. जर का त्यांना कोणीही तिकीट दिले, तर त्या पक्ष कार्यालयाबाहेर मी आंदोलन करेल, असंही आयुषच्या आईने म्हटलं आहे.