आईला वाचवताना लेकीचीही हत्या

मिळालेल्या माहितीनुसार, आरोपी आणि मृतक माय-लेकी शेजारी राहत होते. आरोपी नितेशला दारूचे व्यसन असून तो नशेत वारंवार शेजाऱ्यांशी वाद घालत असल्याची माहिती आहे. यापूर्वीही आरोपी आणि मृतकांमध्ये अनेकदा वाद झाले होते. काल शनिवारी दुपारी सुमारे 12.30 वाजताच्या सुमारास गांगापूर झोपडपट्टीतील मृतकांच्या राहत्या घरासमोर आरोपी नितेश आणि पार्वता फुकट यांच्यात किरकोळ कारणावरून वाद झाला. हा वाद पाहता पाहता विकोपाला गेला. वादाच्या भरात दारूच्या नशेत असलेल्या नितेशने जवळच असलेला लाकडी दांडा उचलला आणि पार्वता फुकट यांच्या डोक्यावर जोरदार वार केला. यात आईचा आवाज ऐकताच आईला वाचवण्यासाठी मुलगी संगीता रिठे तीला वाचवण्यासाठी मध्ये पडली असता आरोपीने तिच्याही डोक्यावर वार केले. या हल्ल्यात दोघीही रक्ताच्या थारोळ्यात खाली पडल्या आणि घटनास्थळीच त्यांचा मृत्यू झाला.

Mangesh kalokhe Murder : मुलींच्या शाळेतून परतताना हल्ला, जीवाच्या आकातांने पळाले, पण…; खोपोलीत मंगेश काळोखेंसोबत काय घडलं? CCTV समोर

परिसरात तणावाचं वातावरण

घटनेची माहिती मिळताच उमरेड पोलीस ठाण्याचे पोलीस निरीक्षक धनाजी जळक यांच्यासह पोलीस पथकाने तात्काळ घटनास्थळी धाव घेतली. परिसरात तणावाचे वातावरण निर्माण झाले होते. पोलिसांनी मृतदेह ताब्यात घेऊन शवविच्छेदनासाठी पाठवले. याप्रकरणी फिर्यादी सौ. स्मिता पंकज जुमडे (वय 36) यांच्या तक्रारीवरून भारतीय न्याय संहितेच्या कलम 103 (1) अन्वये गुन्हा नोंदवण्यात आला आहे.

Solapur Crime : अंगावर किलोभर सोनं, सोशल मीडियावर लोकप्रिय, महापालिकेसाठी तयारी; तृतीयपंथी उमेदवाराला निर्घृणपणे संपवलं; CCTV फुटेज

आरोपी नितेश ठाकरे याला ताब्यात घेऊन अटक करण्यात आली असून पुढील तपास पोलीस निरीक्षक धनाजी जळक यांच्या मार्गदर्शनाखाली उमरेड पोलीस करीत आहेत. भरदिवसा घडलेल्या या दुहेरी हत्याकांडामुळे उमरेड शहरासह संपूर्ण नागपूर जिल्ह्यात खळबळ उडाली असून, नागरिकांमध्ये भीतीचे वातावरण पसरले आहे.