मनसे नेत्यांनी बैठकीत 5 जागांवर दावा केल्याची माहिती सूत्रांनी दिली आहे. महाविकास आघाडीतील नेते महाराष्ट्र नवनिर्माण सेनेला किती जागा देणार आहेत याबाबत अजूनही स्पष्टता नाही. बैठकी दरम्यान शिवसेनेचे नेते आणि मनसे नेते एकमेकांच्या अंगावर धावून गेले आहेत. जुन्या शिवसैनिकाने महाविकास आघाडीच्या पत्रकार परिषदेनंतर भर सभेत जोरजोरात ओरडत शिवसेनेकडून तिकीट मिळाले नाही तर माझ्या प्रभागातील काँग्रेस पक्षाला उद्धवस्त करणार असा इशारा दिला आहे.

शिवसेना नेते एकमेकांच्या अंगावर धावून गेले

महाविकास आघाडीच्या बैठकीदरम्यान शिवसेनेचे नेते एकमेकांना अरेरावीची भाषा करताना आढळून आले. प्रभाग 8 मध्ये ओपन पुरुष जागा ही शिवसेनेने घेतली आहे. एक जागा ओबीसीसाठी राखीव आहे. मनसे नेते विनायक महिंद्र यांनी ओबीसी जागेसाठी मागणी केली. शिवसेना नेते अजय दासरि यांनी दोन्ही जागांवर दावा केल्याने मनसे नेते चिडले. एक जागा आम्हाला ओबीसी सोडा असे मनसेची मागणी होती.

Latur News: अन्नदात्याचा असा शेवट नको रे देवा! डोळ्यांदेखत शेतकऱ्याचे तुकडे; लातूरमधील घटनेने मन सुन्न

या कारणावरून मनसे नेते विनायक महिंद्र आणि शिवसेना नेते अजय दासरी यांच्यात अरेरावीची भाषा झाली. दोन्ही नेते एकमेकांच्या अंगावर धावून गेले. यामुळे महाविकास आघाडीच्या बैठकीत गोंधळ सदृश परिस्थिती निर्माण झाली होती.

जुना शिवसैनिक काँग्रेस नेत्यावर नाराज

प्रभाग 15 मध्ये काँग्रेस नेते तयारीला लागले आहेत. प्रभाग 15 मध्ये काँग्रेसच्या प्रदेश पातळीवरून काँग्रेसचे शहर अध्यक्ष चेतन नरोटे यांना उमेदवारी जाहीर झाली आहे. त्यामुळे शिवसेना कार्यकर्ता योगेश सलगर यांनी भर पत्रकार परिषदे दरम्यान काँग्रेस पक्षाला इशारा दिला आहे.

प्रभाग 15 मधून शिवसेनेला एक जागा सुटावी अन्यथा मी महाविकास आघाडीचा धर्म पाळणार नाही. काँग्रेस पक्षाला उद्धवस्त करणार अशा इशारा शिवसेना उद्धव ठाकरे पक्षाच्या नेत्यांने दिला आहे.