यंदाच्या नववर्ष स्वागताच्या सेलिब्रेशनला महापालिका निवडणुकीची पार्श्वभूमी असून, त्यामुळे सेलिब्रेशनचा माहोल अधिक रंगण्याची शक्यता आहे. मद्यासह आवडीच्या खाद्यपदार्थांवर यथेच्छ ताव मारत सरत्या वर्षाला अलविदा करण्याची संस्कृती आपल्याकडेदेखील रुजत आहे. त्यामुळे मद्यविक्रेत्यांसह हॉटेल व्यावसायिकदेखील बक्कळ कमाईची ही पर्वणी साधण्यासाठी सिद्ध होत आहेत. ‘थर्टीफर्स्ट’च्या पार्श्वभूमीवर राज्यातील मद्यविक्रेत्यांना दुकाने खुली ठेवण्यास वेळेची मुभा वाढवून देण्यात आली आहे. या आदेशाच्या पार्श्वभूमीवर जिल्हाधिकारी प्रसाद यांनी जिल्ह्यातील मद्यविक्रेते आणि मद्यसेवन करणाऱ्यांकरिता आदेश काढले आहेत.

Nashik News: सिन्नर बसस्थानकात भीषण अपघात; शिडी कोसळून 7 वर्षांच्या चिमुकलीचा पाय फ्रॅक्चर, तिघे जखमी
यामध्ये निर्धारित वेळेपेक्षा अतिरिक्त मुभा देण्यात आली आहे. विदेशी मद्यविक्रीची दुकाने खुली ठेवण्यास एरवी रात्री साडेदहापर्यंतच परवानगी असते. परंतु, ३१ डिसेंबरला पहाटे एक वाजेपर्यंत परवानगी राहणार आहे. शहरात आणि ग्रामीण भागात एफएल-३ परवाना कक्ष, तसेच बीअर बार आणि क्लब मद्य वितरणासदेखील पहाटे पाचपर्यंत परवानगी देण्यात आली आहे. ‘अ’ आणि ‘ब’ वर्ग नगरपालिका क्षेत्रांतील अनुज्ञप्तींसाठी मध्यरात्री एक वाजेपर्यंत मद्यविक्री आणि सेवनास परवानगी राहणार आहे. मात्र, दि. २९ रोजी सोमवार, तर ३० व ३१ तारखेला एकादशी असल्याने अनेकांकडून रविवारीच ‘साग्रसंगीत पार्टी’चे नियोजन करण्यात आले आहे.

Nashik News: निफाडमध्ये 13 वर्षीय विद्यार्थ्याचा विहिरीत बुडून मृत्यू; नातेवाईकांचा शाळा व्यवस्थापनावर गंभीर आरोप, प्रकरण काय?
रेस्टॉरंट्सही खुली राहणार का ?
मद्यविक्रीच्या आस्थापना सुरू ठेवण्याबाबतच्या वेळेत जिल्हा प्रशासनाकडून शिथिलता देण्यात आली आहे. त्यामुळे पहाटेपर्यंत नववर्ष स्वागताचा जल्लोष करता येणार आहे. मद्यसेवनास पहाटे पाचपर्यंत परवानगी असली, तरी रात्री उशिरापर्यंत किंवा पहाटेपर्यंत हॉटेल्समध्येच शाकाहारी, तसेच मांसाहारी खाद्यपदार्थ पुरविण्यास परवानगी राहणार का, असा सवाल यानिमित्त उपस्थित झाला आहे. रात्री साडेदहा-अकरानंतर हॉटेल्स सुरू ठेवण्यास परवानगी नसते. त्यामुळे हॉटेल्सलाही वेळ वाढवून मिळणार का, हे पाहणे महत्त्वाचे ठरणार आहे.