अशी घडली घटना

अकोल्याच्या तेल्हारा तालुक्यातील एका गावामध्ये नात्याला काळिमा फासणारी एक घटना उघडकीस आली. अल्पवयीन मुलीवर जन्मदात्या बापासह काकाने आणि शेजारच्या वृद्धाकडून अत्याचार करण्यात आला. या घटनेची माहिती पीडित मुलीने शाळेतील शिक्षकांना सांगितली त्यांनी घटनेचं गांभीर्य लक्षात घेऊन तात्काळ चाइल्ड हेल्प लाइनशी संपर्क साधून तेल्हारा पोलीस स्टेशनला बुधवारी 24 डिसेंबरला तक्रार दाखल केली. अल्पवयीन पीडितेने घरी होत असलेला अत्याचार शाळेतील वर्ग शिक्षकाकडे कथन केला.

Lonavala New Year: थर्टी फर्स्टसाठी लोणावळ्याला जाताय? पाहा कोणते लोकप्रिय पॉईंट्स राहतील बंद; पर्यटकांसाठी कठोर निर्बंध

सदर घटना ही गंभीर असल्यानं वर्ग शिक्षकानं याबाबत चाइल्ड हेल्पलाइनला माहिती दिली. याबाबत चाइल्ड हेल्पलाइनचं पथक शाळेत दाखल झालं. त्यांनी शाळेतील शिक्षक, मुख्याध्यापक तसेच गटशिक्षणाधिकारी यांच्याशी संपर्क साधून हे सर्व पोलीस स्टेशनला दाखल झालं. त्यांनी रीतसर तक्रार दाखल केली. या तक्रारीवरून पोलिसांनी पीडितेचा आरोपी वडील, काका आणि शेजारच्या एका वृद्धाविरोधात गुन्हा दाखल करून आरोपी वडील, काका आणि शेजाऱ्याला अटक केली असून एक आरोपी फरार आहे. या घटनेमुळे परिसरासह शहरात खळबळ उडाली आहे.

Jalna News : हॉटेल व्यवसायाच्या नावाखाली भलताच प्रकार, पोलिसांची अचानक धाड, चारही बाजूंनी घेरलं आणि…

शिक्षकाला हकीकत सांगितल्यानं प्रकार उघड

मुलींना बाहेर त्रास होत असेल तर त्या घरी आई-वडील आणि जवळच्या नातेवाईकांना सांगतात, त्यात त्यांना सुरक्षितता वाटते. आपल्या पाठीशी आई-वडील असल्यानं त्यांना समाजात वावरताना त्यांना सुरक्षित वाटतं. पण घरीच अशा प्रकारे अत्याचार होत असेल तर मुलींनी कुठे जायचं? असा प्रश्न निर्माण होतो. पण यावेळी अल्पवयीन मुलींच्या पाठीशी उभे राहतात ते कर्तव्यदक्ष शिक्षक, आणि हा प्रकार शिक्षकाच्या सातर्कतेमुळेच उघडकीस आलाय. शिक्षकाने तत्परता दाखवत शाळेचे मुख्याध्यापक आणि चाईल्ड हेल्पलाईनला कळवल्याने हा प्रकार उघड झाला. अशा प्रकारे इतरही शिक्षकांनी विद्यार्थ्यांसाठी मदतीचा हात पुढे केला तर अशा प्रकारांवर आळा बसू शकेल.