मुंबई दौरा आणि फोनाफोनी

प्रशांत जगताप गुरुवारी मुंबईत गेले होते. त्यांची काँग्रेस नेत्यांसमवेत प्रत्यक्ष चर्चा झाली का, याबाबत कुठलीही माहिती मिळाली नाही. मात्र, काँग्रेसचे प्रदेशाध्यक्ष हर्षवर्धन सपकाळ, ज्येष्ठ नेते बाळासाहेब थोरात यांनी जगताप यांच्याशी दूरध्वनीद्वारे संपर्क साधला असून, काँग्रेस प्रवेशाचे निमंत्रण दिले आहे. या पार्श्वभूमीवर जगताप काँग्रेसमध्ये प्रवेश करतील, अशी अटकळ बांधण्यात येत आहे.
Meenakshi Shinde : दोन दिवसांपूर्वीचा वाद टोकाला? शिंदेसेनेच्या मीनाक्षी शिंदेंचा तडकाफडकी राजीनामा, धक्कादायक कारण समोर

…म्हणून शरद पवारांची साथ सोडली

‘राष्ट्रवादी काँग्रेस’च्या फुटीनंतर अवघ्या काही तासांत शरदचंद्र पवार यांच्या ‘राष्ट्रवादी’समवेत राहण्याचा निर्णय जगताप यांनी घेतला होता. गेल्या दोन निवडणुकांमध्ये संघटनात्मक बांधणी केली होती. त्याचा पक्षाला फायदाही झाला. आगामी महापालिका निवडणुकांमध्ये निष्ठावान कार्यकर्त्यांना उमेदवारी देण्याचा त्यांचा मानस होता. मात्र, दोन्ही राष्ट्रवादी काँग्रेस एकत्र येण्याचा निर्णय घेतल्याने निष्ठावान कार्यकर्त्यांवर होणारा अन्याय लक्षात घेता त्यांनी संभाव्य आघाडीपासून दूर राहण्याचा निर्णय घेतला. त्यामुळे त्यांनी ‘राष्ट्रवादी’ला रामराम ठोकला.
Prakash Mahajan : ठाकरे बंधूंच्या एकीसाठी झटले, आता त्यांच्याच विरोधात शड्डू; मनसे सोडलेले प्रकाश महाजन शिवसेनेच्या वाटेवर
गेले काही दिवस दोन्ही राष्ट्रवादी काँग्रेसच्या संभाव्य आघाडीबरोबर काँग्रेसचीही बोलणी सुरू होती. काँग्रेसच्या प्रदेश पातळीवरील नेत्यांनी महाविकास आघाडीबरोबरच निवडणूक लढविण्याचा निर्णय घेतला. अजित पवार यांच्या राष्ट्रवादी काँग्रेसबरोबर आघाडी न करण्याचा निर्णय घेतल्याने काँग्रेस स्वबळावरच लढेल, असे चित्र स्पष्ट झाले आहे. त्यामुळे जगताप यांचा काँग्रेस प्रवेशाचा मार्ग मोकळा झाला आहे.

बुधवारी सायंकाळी पुणे महापालिकेच्या हिरवळीवर माध्यमांशी संवाद साधताना जगताप यांनी आपली भूमिका जाहीर केली होती. यावेळी जगताप यांचे समर्थक मोठ्या संख्येने उपस्थित राहिले होते. त्यांनी जगताप यांच्या समर्थनार्थ घोषणाही दिल्या होत्या. ‘महापालिकेच्या निवडणुकीसाठी तयारी करताना अनेक वावड्या उठू लागल्या. काहींनी पक्ष सोडला; पण मी गुपचूप ‘भाजप’मध्ये गेलो नाही. मात्र, मी महापालिका निवडणूक लढवणार आहे,’ असे जगताप यांनी स्पष्ट केले होते.