संदेश पारकर हे सिंधुदुर्ग जिल्ह्यातील ठाकरे सेनेचे जिल्हाप्रमुख आहेत त्यांनी विजयानंतर आता थेट एकनाथ शिंदे यांची भेट घेतल्याने अनेकांच्या भुवया उंचावल्या आहेत त्यामुळे ते लवकरच शिंदे प्रवेश करतील अशी अटकळ बांधली जात आहे. कणकवली शहर विकास आघाडीच्या माध्यमातून भाजप विरोधात सगळ्या पक्षांनी एकत्र येत ही निवडणूक लढवली. इतकंच नाही तर कणकवली शहर विकास आघाडीला शिंदेंच्या सेनेने निलेश राणे यांनीही पाठिंबा दिल्याने संदेश पारकर यांचा विजय सोपा झाला व त्यांची तब्बल पुन्हा 17 वर्षांनी कणकवली नगरपंचायतीत ग्रँड एन्ट्री झाली. भाजपाचे नगराध्यक्ष पदाचे उमेदवार समीर नलावडे यांचा त्यांनी 175 मताने पराभव केला. मात्र याचवेळी नलावडे यांच्या पत्नी नगरसेविका म्हणून निवडून आल्या आहेत त्यामुळे नगराध्यक्षपदासाठी क्रॉस वोटिंग झाल्याच्या चर्चा आहेत.
Sindhudurg News: कोकणात येणार ताज हॉटेल, नितेश राणेंनी दिला हिरवा कंदील; कुठे उभारणार हा अलिशान प्रकल्प?
निलेश राणे यांनी या विजयानंतर संयमीत प्रतिक्रिया दिली आहे. मालवणच्या विजयाचा आनंद आहे एका डोळ्यात आनंदाश्रू तर एका डोळ्यात दु:ख कणकवली संदेश पारकर यांना आम्ही पाठिंबा दिला होता त्यांचा विजय झाला त्यांच अभिनंदनच पण समोर सगळे आमचेच होते कुटुंबातले होते त्यांचा पराभव झाला त्याचेही दुःख आहे अशी बोलकी प्रतिक्रिया शिंदेंच्या सेनेचे शिलेदार आमदार निलेश राणे यांनी दिली आहे. संदेश पारकर यांच्या शिवसेना प्रवेशासंदर्भातही विचारलेल्या प्रश्नावर त्यांनी या आधी आमच्या चर्चा झाल्या आहेत मात्र त्यानंतर पुलाकडून बरेच पाणी वाहून गेल आहे आपण त्यांच्याजवळ बोलल्यानंतरच बोलू असेही सूचक विधान केलं होत. त्यामुळे शिंदेंच्या शिवसेनेत संदेश पारकर यांचा प्रवेश हा आता निश्चित मानला जात आहे. पण एकनाथ शिंदे व संदेश पारकर यांच्य या भेटीवेळी आमदार निलेश राणे आणि मात्र अनुपस्थित होते. त्यामुळे राणेंनी ग्रीन सिग्नल दिल्यावरच पुढील सूत्र हल्ल्याची शक्यता आहे.
Nitesh Rane: कुटुंबाच्या प्रतिमेसाठी गप्प होतो, पण आता…; पराभवाच्या धक्क्यानंतर नितेश राणे आक्रमक, भावाचाच समाचार घेणार?
सिंधुदुर्ग जिल्ह्यात नारायण राणे एकंदरीत राणे कुटुंबाचे असलेले राजकारणातील मोठे प्रस्थ कमी करण्याकरता या निवडणुकीत प्रयत्न झाल्याचे पाहायला मिळालं मात्र सिंधुदुर्ग जिल्ह्यातील राजकारण आजही राणे कुटुंबांभोवतीच फिरल्याने भाजपाचे मंत्री नितेश राणे व आमदार निलेश राणे हेच येथील शिवसेना भाजपा विजयाचे शिल्पकार ठरल्याने या राजकारणाला शह मिळाला आहे. त्यामुळे मुख्यमंत्री व शिवसेनेचे मुख्य नेते एकनाथ शिंदे यांनी भाजपाचे प्रदेशाध्यक्ष रवींद्र चव्हाण यांच्या कोकणातील राजकारणाला एक प्रकारे कोकणात शह देण्याची तयारी सुरू केल्याचे पाहायला मिळत आहे.