जागावाटपासाठी चर्चेच्या फेऱ्या सुरु आहेत. शिंदेसेनेनं पहिल्याच बैठकीत १२५ जागांची मागणी केली. १२५ जागांवर आमच्याकडे उमेदवार आहेत. अनेक माजी नगरसेवक आपल्यासोबत आहेत, असा शिंदेसेनेचा दावा आहे. २०१७ मध्ये झालेल्या निवडणुकीत शिवसेनेनं ८४ जागा जिंकल्या होत्या. यातील जवळपास ५० ते ५५ माजी नगरसेवक आता शिंदेंच्या सोबत आहेत. त्यामुळे या जागा हव्यातच. २०१७ मध्ये जिंकलेल्या ८४ अधिक आणि त्यात ४१ जागांची भर घालून १२५ जागा मिळाव्यात, असं गणित शिंदेसेनेकडून मागण्यात आलं.
आता आमची मेहनत वाया जाणार! शिंदेंच्या ‘त्या’ घोषणेनं शिवसैनिक अस्वस्थ; भाजप कार्यकर्ते अवाक्
शिंदेसेनेनं २२७ पैकी १२५ जागांची मागणी केल्यावर भाजपनं त्यांना थेट ५२ जागांचा प्रस्ताव दिला. तो शिंदेसेनेनं अमान्य केला. त्यावर तुम्ही कोणत्या जागांवर लढणार आहात, त्याची यादी द्या. आम्ही कोणत्या जागा लढवायच्या हे तुम्ही कसं ठरवणार, असा सवाल शिंदेसेनेकडून करण्यात आला. त्यानंतर दोन्ही पक्षांनी त्यांना लढवायच्या असलेल्या जागांची यादी ठेवली. २२७ पैकी १५० जागांचा प्रश्न यातून सुटला आणि ७७ जागांवर पेच राहिला.

विशेष म्हणजे उरलेल्या ४१ जागांवर भाजपला लढण्यात रस नाही. या जागा घेतल्या, तर तिथे पराभव होण्याची शक्यता अधिक आहे. त्यानं भाजपचा स्ट्राईक रेट खराब होईल. या जागा शिंदेसेनेनं लढवाव्यात, असा भाजपचा आग्रह आहे. पण इथे शिंदेसेनेलाही विजयाची खात्री नाही. त्यामुळे पडेल जागा घेण्यात हशील नाही, असा सूर शिंदेसेनेत आहे.
Thackeray Alliance: ठाकरेंची युती, शिंदेसेना लाभार्थी; भाजपनं रणनीती बदलली, MDM फॅक्टर गेमचेंजर ठरणार?
भाजप अधिक जागा आणि त्यातही विजयाची खात्री असलेल्या जागा आपल्या पदरात पाडून घेणार आणि दुसऱ्या बाजूला आपल्याला पडेल जागा देणार, असा एक सूर शिंदेसेनेत आहे. त्यामुळे एकनाथ शिंदे सावध आहेत. लोकसभा, विधानसभा ते नगर पंचायत, नगर परिषद निवडणुकीत शिंदेंनी त्यांचं नाणं खणखणीत वाजवून दाखवलं आहे.

लोकसभेत त्यांचा स्ट्राईक रेट भाजपपेक्षा चांगला होता. विधानसभा आणि नगर पंचायत, नगर परिषदेत भाजपनं जास्त जागा जिंकल्या. त्यांचा स्ट्राईक रेट सुधारला. पण शिंदेसेनेनं त्यांचा स्ट्राईक रेट उत्तम राखला. त्यांचा स्ट्राईक रेट भाजपच्या जवळपास जाणारा राहिला. आता पडेल जागा घेऊन स्ट्राईक रेट खराब करुन घेण्यास शिंदेसेना तयार नाही.
पार्टी विथ डिफरन्स? तडीपार झालेल्या गुंडाचा भाजप प्रवेश संपन्न; मयूर शिंदेच्या हाती कमळ
मुंबईत भाजपची प्रचार यंत्रणा तगडी आहे. त्यांच्याकडे कार्यकर्त्यांचं मोठं जाळं आहे. निवडणुकीसाठी पन्नाप्रमुखांची यंत्रणा आहे. त्यामुळे जागावाटप आणि उमेदवारांची घोषणा झालं तरी भाजपला ते परवडू शकतं. पण भाजपची ही लेट रणनीती शिंदेंना परवडणारी नाही. त्यामुळे सन्मानजनक जागावाटप लवकरात लवकर व्हावं यासाठी शिंदेसेना आग्रही आहे.