२०१७ मध्ये झालेल्या मुंबई महापालिकेच्या निवडणुकीत शिवसेनेनं २२७ पैकी ८४ जागा जिंकल्या होत्या. त्यावेळी शिवसेना एकसंध होती. तेव्हा भाजपनं ८२ जागांवर बाजी मारली होती. शिवसेनेत फूट पडल्यानंतर ५० ते ५५ माजी नगरसेवकांनी ठाकरेंची साथ सोडत शिंदेसेनेत प्रवेश केला. गेल्या निवडणुकीत जिंकलेल्या सर्व जागांसह अधिकच्या ४१ जागा, अशा एकूण १२५ जागांची मागणी शिंदेसेनेनं चर्चेच्या पहिल्याच फेरीत केली.
आता थेट नाही, लेट! भाजपची रणनीती; शिंदेंच्या ‘स्ट्राईक रेट’वरच स्ट्राईक करण्याची तयारी; भाई सावध
भाजपकडून शिंदेसेनेला ५२ जागांचा प्रस्ताव देण्यात आला. तो शिंदेसेनेनं फेटाळून लावला. दोन्ही पक्षांनी त्यांना हव्या असलेल्या जागांची समोर ठेवली. त्यातून १५० जागांचा विषय मार्गी लावला. त्यामुळे आता पेच ७७ जागांचा आहे. यातील ४१ जागा मुस्लिमबहुल आहेत. त्या जागा लढवण्यास भाजप उत्सुक नाही. इथे भाजपला अनुकूल वातावरण नाही.

मुख्यमंत्री लाडकी बहीण योजना एकनाथ शिंदे यांनी जाहीर केल्यानं आणि मुस्लिम महिलांनी त्याचा मोठ्या प्रमाणात लाभ घेतल्यामुळे मुस्लिमबहुल भागांमध्ये शिंदे यांची प्रतिमा चांगली आहे. त्यामुळे याचा फायदा त्यांना होऊ शकतो, असा एक सर्व्हे भाजपनं चर्चेदरम्यान पुढे ठेवला. पण या सर्व्हेबद्दल शिंदेसेनेत संशयाची भावना आहे. सर्व्हे दाखवून आपल्या पदरात पडेल जागा टाकल्या जात आहेत, अशी शंका शिंदेसेनेच्या नेत्यांना वाटते.
Thackeray Alliance: ठाकरेंची युती, शिंदेसेना लाभार्थी; भाजपनं रणनीती बदलली, MDM फॅक्टर गेमचेंजर ठरणार?
मुस्लिमबहुल भागांमध्ये शिंदेसेनेचं मॅजिक चालेल, असं भाजपला वाटतं. त्यासाठी सर्व्हेचा हवाला दिला जात आहे. पण हे लॉजिक शिंदेसेनेला पटलेलं नाही. मुस्लिम समाजात शिंदेंची लोकप्रियता आहे, या सर्व्हेवर शिंदेसेनेचा विश्वास नसल्याचं दिसतं. आधी ५२ जागांचा प्रस्ताव देणार्‍या भाजपनं शिंदेसेनेला ९० जागांचा सुधारित प्रस्ताव दिला आहे. यातील ३० जागा मुस्लिमबहुल आहेत. या जागा घेतल्यास स्ट्राईक रेट कमी होईल, अशी भीती शिंदेसेनेला वाटते.

भाजपनं शिंदेसेनेला मानखुर्द, गोवंडी, भायखळा, डोंगरी या भागातील जागा सोडण्याची तयारी दर्शवली आहे. हा भाग मुस्लिमबहुल म्हणून ओळखला जातो. या भागात शिंदेसेनेला यश मिळेल, असा दावा भाजप करत असल्याची सुत्रांची माहिती आहे. दुसरीकडे शिंदेसेनेला मुंबईतील ८ विधानसभा मतदारसंघांमध्ये एकही प्रभाग सोडण्यात आलेला नाही. यामध्ये अंधेरी पूर्व, अंधेरी पश्चिम, मुलुंड, घाटकोपर पूर्व, मलबार हिल, वांद्रे पश्चिम या भागांचा समावेश आहे. या मतदारसंघांमधील सगळ्याच्या सगळ्या जागा जिंकण्याची खात्री भाजपला वाटते. इथे प्रामुख्यानं हिंदुत्त्ववादी मतदार आहे. त्यात प्रामुख्यानं अमराठी, त्यातही उत्तर भारतीयांचं प्रमाण जास्त आहे.