महाविद्यालय प्रशासनाने याबाबत त्यांची अधिकृत भूमिका जाहीर केलेली नाही. या मारहाणीत जखमी झालेल्या विद्यार्थ्याचे नाव प्रसिक बनसोडे असे असून, त्याच्यावर धाराशिव येथील शासकीय रुग्णालयात उपचार सुरू आहे. रुम स्वच्छ करण्यात नकार दिल्याने या विद्यार्थ्याला मारहाण करण्यात आल्याची माहिती समोर आली आहे.

प्रसिक बनसोडे याने दिलेल्या माहितीनंतर हे गंभीर प्रकरण समोर आले आहे

रुग्णालयात उपचार घेत असलेल्या पीडित विद्यार्थी प्रसिक बनसोडे याने रुग्णालयात उपचार घेताना माहिती दिली की, चार विद्यार्थ्यांनी रूममध्ये जबरदस्तीने प्रवेश करून त्याला स्टम्पने मारहाण केली. “तब्बल तीन तास मला मारहाण करण्यात आली,” असा गंभीर आरोप पीडित विद्यार्थ्याने केला आहे. रूम स्वच्छ करणे, झाडू मारायला लावणे, अशी कामे करण्यास नकार दिल्याने त्याला मारहाण केल्याचा पीडित मुलाचा आरोप आहे.
National News : पाच मित्रांसोबत काय करतेयस? सोसायटीतील काकांनी धारेवर धरलं, 22 वर्षीय तरुणीने धडा शिकवला, आता 62 लाखांची नोटीस

याआधीही इतर विद्यार्थ्यांसोबत अशा घटना घडल्या आहेत, पीडित विद्यार्थ्याची माहिती

पीडित विद्यार्थी प्रसिक बनसोडे याने माहिती देताना सांगितले की, याआधीही महाविद्यालयात असे प्रकार घडले आहेत. महाविद्यालय प्रशासन संबंधित विद्यार्थ्यांना पाठीशी घालत आहे, असा गंभीर आरोपही प्रसिक बनसोडे याने केला आहे.

विद्यार्थ्यांच्या सुरक्षेचा प्रश्न ऐरणीवर आलाय

अशा संतापजनक प्रकरणामुळे विद्यार्थ्यांच्या सुरक्षिततेचा प्रश्न ऐरणीवर आला आहे. घटनेचे गांभीर्य बघून पालक वर्गातून संताप व्यक्त केला जात आहे. या घटनेनंतर संबंधित विद्यार्थ्यांवर कठोर कारवाई करावी, तसेच महाविद्यालय प्रशासनाच्या भूमिकेची चौकशी करावी, अशी मागणी केली जात आहे. आता महाविद्यालय प्रशासन याबाबत काय निर्णय घेतं हे पाहावं लागणार आहे.