गळ्यात सोनं आणि संघर्षाची गाथा

अबोली अक्का जेव्हा राष्ट्रवादीच्या कार्यालयात पोहचल्या, तेव्हा त्यांच्या अंगावरील सोन्याने सर्वांचे लक्ष वेधून घेतले. मात्र, हे केवळ प्रदर्शन नसून त्यांच्या अस्तित्वाची लढाई असल्याचे त्यांनी ठणकावून सांगितले. “समाजात आजही आम्हाला हीन वागणूक दिली जाते. रस्त्यावरून चालताना लोक आजही आमच्याकडे वाईट नजरेने बघतात. हाच दृष्टिकोन बदलण्यासाठी आम्हाला सत्तेच्या चाव्या हव्या आहेत,” अशा शब्दांत त्यांनी आपला राजकीय आणि सामाजिक संघर्षाचा पट मांडला.Navi Mumbai: लोकलच्या गर्दीत तरुणाला हार्ट अटॅक, पण नशिबाचा फेरा पाहा; रुग्णवाहिकेचा ड्रायव्हर जेवायला गेला अन् घात झाला!

“लाडक्या बहिणींप्रमाणेच आम्हालाही मानधन द्या”

राज्याचे उपमुख्यमंत्री अजित पवार यांच्या कार्यपद्धतीवर विश्वास व्यक्त करत अबोली अक्का म्हणाल्या, “अजित दादाच आम्हाला न्याय देऊ शकतात. त्यांनी राज्यातील लाडक्या बहिणींसाठी सन्मानाने जगण्यासाठी मानधन सुरू केले आहे. आमचीही हीच मागणी आहे की, तृतीयपंथीयांना समाजात मान मिळावा आणि लाडक्या बहिणींप्रमाणेच आम्हालाही दरमहा मानधन सुरू करावे.”

सोलापूरच्या राजकारणात नवी समीकरणं?

सोलापूर महानगरपालिकेच्या निवडणुकीचे बिगुल वाजले असून प्रभाग ९ मध्ये आता अबोली अक्कांच्या उमेदवारीमुळे चुरस वाढणार आहे. वर्षानुवर्षे दुर्लक्षित राहिलेल्या या समाजाला मुख्य प्रवाहात आणण्यासाठी अबोली अक्कांनी उचललेले हे पाऊल ऐतिहासिक मानले जात आहे. आता ‘दादां’चा राष्ट्रवादी काँग्रेस पक्ष या ‘लाडक्या बहिणी’ला उमेदवारी देऊन निवडणुकीच्या रिंगणात उतरवणार का? हे पाहणे औत्सुक्याचे ठरणार आहे.

दरम्यान केवळ टाळ्या वाजवून पैसे मागणाऱ्या समाजाची ओळख पुसून, लोकप्रतिनिधी म्हणून काम करण्याची जिद्द बाळगणाऱ्या अबोली अक्कांची ही ‘रॉयल’ एन्ट्री सध्या सोलापूरच्या गल्लीबोळात चर्चेचा विषय ठरली आहे.