सांगलीतील जत येथे 18 डिसेंबर रोजी विकास टकले यांची हत्या झाली होती. तेव्हापासून, आरोपी फरार होते आणि पोलिस त्यांचा तपास करत होते. तपासात दारू न दिल्याच्या रागातूनच दोघांनी त्याचा खून केल्याचं समोर आलं होतं. याप्रकरणी रवींद्र आबासाहेब बंडगर आणि विराज संजय पांढरे या दोघा सराईत गुन्हेगारांना स्थानिक गुन्हे शाखेने अटक केली आहे.

Pune Crime : अरे संदेश, हे कसं जमेल मला? पुण्यात विवाहित प्रेयसीकडे प्रियकराची भलतीच मागणी, नकार देताच थेट…

काय घडलं त्या रात्री?

मयत विकास टकले आणि अटक करण्यात आलेले दोघे संशयित रवींद्र बंडगर आणि विराज पांढरे हे या घटनेआधी एकमेकांना ओळखत नव्हते. त्या रात्री दोघे मारेकरी दारूच्या नशेत जत येथे शेकोटी करून शेकत बसले होते. त्यावेळी विकास टकले हे सुद्धा मद्यधूंद अवस्थेत त्या दोघांजवळ पोहचले. शेकोटी शेजारी जाऊन बसले.

त्यावेळी त्या तिघांची ओळख झाली. नंतर, विकासने त्यांच्याकडून दारू मागितली. दोघांनीही विकासला, “आमच्याकडे पैसे नाहीत तू दारू दे” असे सांगितले. हे मागणं विकासने मान्य केलं आणि त्या दोघांसोबत तो दारूच्या दुकानासमोर गेला. दुकानावर जाताच विकास ने, “माझ्या कडेही पैसे नाहीत असे सांगितले.” हे ऐकताच दोन्ही गुन्हेगारांचा राग अनावर झाला आणि त्यांच्या वाद सुरू झाला. विकासने ही त्यांना शिवीगाळ करायला सुरूवात केली. हे ऐकून हा वाद आणखीन टोकाला गेला आणि दोघांनी विकासला दगडाने ठेचायला सुरूवात केली. या मारहाणीत विकासचा जागीच मृत्यू झाला.

हत्या करताच दोघेही फरार झाले. पोलिसांनी तपास सुरू करताच यांची ओळख पटली आणि ते सराईत गुन्हेगार असल्याचे समोर आले. त्यांना अटक करून तपासणीदरम्यान दोघांनीही गुन्ह्याची कबुली दिली. त्यावेळी त्यांनी विकासला दारू न दिल्याच्या रागातूनच विकास याचा खून केल्याची दोघांनी कबुली दिली. या प्रकरणात सांगली जिल्ह्यातील स्थानिक गुन्हे शाखेकडून कारवाई सुरू आहे.