अंधेरी भुयारी मार्गाला लागूनच मोगरा नाला वाहतो. मोगरा नाल्याचा उगम स्थळापासून अंधेरी भुयारी मार्गापर्यंत सुमारे अडीच किलोमीटर लांबीपर्यंत हा नाला वाहत येतो. विशेष म्हणजे, नाल्याचा हा प्रवाह उगम स्थळापासून अंधेरी भुयारी मार्गाकडे येताना तब्बल १३ मीटरचा उतार आहे. म्हणजेच नाल्याचा प्रवाह हा अत्यंत वेगाने येतो. भरतीच्या वेळी मोगरा नाल्याच्या पाण्याची पातळी वाढते. त्यालगत असलेला अंधेरी भुयारी मार्ग, दाऊद बाग, आझाद नगर या परिसरात पूरसदृश परिस्थिती निर्माण होते.
Local Train Update : नवी मुंबईत प्रवाशांना मोठा दिलासा, रेल्वे फेऱ्यांमध्ये वाढ; अतिरिक्त फेऱ्या कोणत्या मार्गावर सुरू?
यावर पर्याय म्हणून मोगरा नाल्याचे अंधेरीतील इदगाह रस्त्याच्या जक्शनपासून जे.पी.रोड लगत ते डी.एन.नगर मेट्रो स्थानकाजवळील भरडावाडी रोड नाल्यापर्यंत नवीन पर्जन्य जलवाहिन्यांचे बांधकाम करण्याचा निर्णय वर्षभरापूर्वी घेतला होता. यातून पूरस्थितीसदृश पाणी वाहून नेण्यात येईल.
Karjat – Panvel Railway : कर्जत-पनवेल लोकल लवकरच सुरू, 300 मीटर लांबीचा बोगदा पूर्ण; कुठे-कसा आहे मार्ग?
यासाठी 200 कोटी रुपयांहून अधिक खर्च येणार होता. या कामासाठी निविदाही काढण्यात येणार होती. अंधेरी सब वे जवळच रेल्वे मार्गाखालून सहा मीटर रूंद आणि अडीच मीटर खोलवर पर्जन्य जलवाहिनी बनवण्याचेही नियोजन केले होते. मात्र अनेक तांत्रिक अडचणी आणि हे काम केल्यानंतरही अंधेरी सबवेसह आजूबाजूचा परिसरात पूरसदृशस्थिती निर्माण होण्याची शक्यता पाहता हा पर्याय मागे ठेवला.

आता अंधेरी सबवेची वाहतूक पावसाळ्यात सुरळीत राहावी म्हणून सबवेवरूनच पूल बांधण्याचा पर्याय समोर आला आहे. मात्र यावर अद्याप अधिकृतरित्या शिक्कामोर्तब झालेले नाही. यासंदर्भात मुंबई महापालिकेतील एका वरिष्ठ अधिकाऱ्याने, पर्जन्यजलवाहिनी किंवा अन्य पर्यायांचा विचार करत असल्याचे स्पष्ट केले. अंधेरी सबवेमध्ये तुंबणाऱ्या पाण्याचा मुद्दा नुकत्याच झालेल्या विधानसभेतही चर्चेला आला होता.