बार्शी नगरपरिषदेवर वर एकूण 42 नगरसेवकांसाठी आणि एक नगराध्यक्षपदासाठी निवडणूक संपन्न झाली. निवडणूक निकालानंतर भाजप उमेदवार 23 जागा विजयी झाले आहेत. उद्धव बाळासाहेब ठाकरे पक्षाचे विद्यमान आमदार दिलीप सोपल गटाने 19 जागा विजय संपादन केला आहे. माजी आमदार आणि भाजप नेते राजेंद्र राऊत हे मुख्यमंत्री देवेंद्र फडणवीस यांचे खास व्यक्ती म्हणून ओळखले जाते. आगामी काही दिवसांत जिल्हा परिषद आणि पंचायत समितीच्या निवडणुका संपन्न होणार आहेत. या निवडणुकीत तर विरोधकांनी नादच करायचं नाही असा इशारा भाजप नेत्याने दिला आहे.
Raigad Elections: उमेदवार 21, पण विजय फक्त 1; अलिबागमध्ये भाजप–शिंदे युतीची रणनीती अपयशी, चूक कुठे झाली?

जिल्हा परिषद आणि पंचायत समितीच्या निवडणुकीत नादच करायचं नाय

बार्शी नगरपरिषदेच्या विजयानंतर भाजप नेते व माजी आमदार राजेंद्र राऊत यांनी विरोधकांना इशारा दिला आहे. आता काही दिवसांत जिल्हा परिषद आणि पंचायत समितीच्या निवडणूका होणार आहेत. राजेंद्र राऊत यांनी बोलताना आत्मविश्वास दाखवला, आता जिल्हा परिषद आणि पंचायत समितीच्या निवडणुकीवेळी विरोधकांनी नादच करायच नाही असा इशारा दिला आहे.

फडणवीसांच्या पठ्ठ्याने करून दाखवलं; फडणवीसांनी अभिनंदन केलं

बार्शी नगरपरिषदेवर भाजप नेते आणि माजी आमदार राजेंद्र राऊत यांनी भाजपची सत्ता खेचून आणण्यासाठी महत्वाची भूमिका बजावली.42 पैकी 23 नगरसेवक भाजपचे निवडून आले आहेत.नगराध्यक्षपदी भाजपच्या तेजस्विनी कथले यांचा 4 हजार मतांनी विजय झाला आहे.याच अभिनंदन करण्यासाठी मुख्यमंत्री देवेंद्र फडणवीस यांनी थेट राजेंद्र राऊत यांनी कॉल केला होता.माजी आमदार राजेंद्र राऊत यांनी बार्शी नगरपरिषदेवर विजयाचा झेंडा फडकविला आहे.त्याबाबतच खूप खूप अभिनंदन असं वक्तव्य देवेंद्र फडणवीस यांनी केलं आहे.