तळोदा नगरपालिकेसाठी तिरंगी लढत झाली. मागील पंचवार्षिकमध्ये या पालिकेवर भाजपाचा झेंडा होता. आमदार राजेश पाडवी यांच्या नेतृत्वात अनेक दिग्गजांनी भाजपात प्रवेश केला. त्यामुळे भाजपाला ही निवडणूक सोपी वाटत होती. असे असताना शिंदे शिवसेनेनेही उमेदवार दिला.

भाजपामध्ये नगराध्यक्ष पदासाठी अनेक जण इच्छुक होते. भारतीय जनता पक्षाने शेवटच्या क्षणी तिकीट नाकारल्याने नाराज झालेल्या योगेश चौधरी यांनी तत्काळ निर्णय घेत राष्ट्रवादी काँग्रेस (अजित पवार गट) कडून त्यांची पत्नी भाग्यश्री चौधरी यांचा उमेदवारीचा अर्ज दाखल केला.
योगेश चौधरी यांना भाजपकडून उमेदवारी मिळेल अशी अपेक्षा होती, मात्र तिकीट न मिळाल्याने त्यांनी पक्षांतराचा मार्ग स्वीकारला.
Jejuri Accident: जेजुरीत भीषण दुर्घटना; खंडोबाच्या पायरीवर भंडाऱ्याचा भडका, नव्या नगरसेविकांसह 16 जण गंभीर
प्रभाग क्रमांक 9 मधील दोन जागा आणि प्रभाग क्रमांक 8 मधील एक जागा वगळता सर्व जागांसाठी उमेदवारांचे अर्ज ही दाखल केले. तळोदा नगरपालिकेसाठी शिंदे शिवसेनेचे उमेदवार हितेंद्र क्षत्रिय यांच्यासाठी उपमुख्यमंत्री एकनाथ शिंदे यांनी सभा घेतली. शिवसेनेचे आमदार चंद्रकांत रघुवंशी व आ. आमश्या पाडवी यांनी अनेक सहभागीत पूर्ण ताकद पणाला लावली. तर, दुसरीकडे भाजपाचे उमेदवार जितेंद्र सूर्यवंशी यांच्यासाठी भाजपाचे संकट मोचन म्हणून प्रसिद्ध असलेले मंत्री गिरीश महाजन यांनी सभा घेतली. तसेच, आमदार राजेश पाडवी यांनीही पूर्ण ताकद लावली.

तर, दुसरीकडे अजित पवार यांच्या राष्ट्रवादीचा जिल्ह्यात एकही आमदार किंवा खासदार नंदुरबारचे पालकमंत्री असलेले माणिकराव कोकाटे, आमदार सना मलिक यांनी एकेक सभा राष्ट्रवादीचे जिल्हाध्यक्ष डॉ. अभिजीत मोरे यांच्या मार्गदर्शनाखाली पॅनल प्रमुख योगेश चौधरी यांनी प्रचार यंत्रणा त्यामुळे तळोदा नगरपालिकेत अजित पवार यांच्या राष्ट्रवादीच्या नगराध्यक्ष पदाचे उमेदवार भाग्यश्री योगेश चौधरी यांनी भाजपा व शिंदे शिवसेना उमेदवार यांचा 3428 मतांनी पराभव केला.या पालिकेत10 प्रभागातील 21 नगरसेवक पदांच्या जागेत राष्ट्रवादी (अजित दादा गट) 11,शिवसेना शिंदे गट – 6 तर भाजपा उमेदवार 4 जागांवर विजयी झाले. अनेक मंत्री आमदार यांनी लावलेल्या फिल्डिंगवर अजित पवार यांचा पठ्ठा पुरून उरला असल्याची चर्चा जिल्ह्यात आहे.