लोकप्रतिनिधी आणि विविध संघटनांनी ठरावीक मेट्रो स्थानकांची नावं बदलण्याची मागणी केली होती. महात्मा फुले मंडईच्या परिसरातील स्थानकाचं नामकरण ‘महात्मा फुले मंडई मेट्रो स्थानक’ असंच करण्यात यावं, अशी आग्रही मागणी होत होती.
Pune News : मेट्रोच्या कामासाठी पुण्यातील चार पदरी पूल पाडणार, तिथेच तीन मजली उड्डाणपूल उभारणार; कुठून-कसे वळवणार मार्ग?
माळी महासंघाने याबाबत महाराष्ट्र मेट्रो रेल्वे कॉर्पोरेशनकडे (महामेट्रो) निवेदन दिलं होतं; तसंच आंदोलनाचा इशारा दिला होता. अखेर, हे नाव बदलण्यावर शिक्कामोर्तब झाल्याने माळी महासंघाने रविवारी आनंदोत्सव साजरा केला.
Pune to Mahabaleshwar Bus : पुणे – महाबळेश्वर एसी बस सेवा सरू, कुठे-कशा असणार फेऱ्या? प्रवाशांना सुरक्षित, आरामदायी प्रवास
वनाझ ते रामवाडी मार्गिकेवरील नळस्टॉप आणि आयडियल कॉलनी स्थानकांचं नावही बदलण्यात आलं. नळस्टॉपचं स्थानक ‘एसएनडीटी कॉलेज’जवळ असल्याने या स्थानकाला हेच नाव दिलं आहे. तर आयडियल कॉलनीचं नव्याने नामकरण करून, या स्थानकाला ‘पौड फाटा’ म्हणून ओळखलं जाईल. या मेट्रो स्थानकांच्या नव्या नामकरणावर केंद्र सरकारने शिक्कामोर्तब केला आहे, अशी माहिती ‘महामेट्रो’तर्फे देण्यात आली.

दरम्यान, पुणेकरांना आता एकाच कार्डवर प्रवास करता येणार आहे. पुणे मेट्रो 1, हिंजवडी-शिवाजीनगर मेट्रो आणि पीएमपी बस या तीनही प्रवासाच्या सुविधा एकाच कार्डवर वापरता येणार आहेत. मेट्रो आणि पीएमपी बस यासाठी दोन वेगवेगळी तिकीटं काढावी लागतात. पण आता पुण्यात प्रवास करताना ‘वन पुणे कार्ड’वर एकच तिकीट काढून प्रवास करता येणार आहे. सध्या यावर काम सुरू आहे. ‘वन पुणे कार्ड’ सुरू झाल्यास याचा प्रवाशांना मोठा फायदा होणार आहे.