मध्य रेल्वेच्या मुख्य मार्गावर ठाणे-कल्याण या दरम्यान पाचव्या व सहाव्या मार्गिकेवर सकाळी ९ ते दुपारी १ वाजेपर्यंत देखभाल-दुरुस्तीचे काम चालणार आहे. या दरम्यान या मार्गांवरून धावणाऱ्या अप आणि डाउन लांब पल्ल्याच्या गाड्या उपनगरीय मार्गाच्या जलद मार्गिकांवरून धावणार आहेत . त्यामुळे जलद तसेच धीम्या उपनगरीय लोकल गाड्यांच्या वाहतुकीवर परिणाम होणार आहे . या मार्गावरील गाड्या नियोजित वेळेपेक्षा १५ ते २० मिनिटे उशिराने धावतील. तसेच रविवारच्या मेगाब्लॉकमुळे काही फेऱ्या रद्द राहतील.

Mumbai Water Cut: मुंबईकरांनो पाणी जपून वापरा! ‘या’ तीन वार्डांत 4 दिवस कमी दाबाने पाणी, कोणत्या भागांना फटका? पाहा लिस्ट
हार्बर मार्गावर पनवेल आणि वाशी स्थानकादरम्यान स. ११ ते दु. ४ या वेळेत मेगाब्लॉक आहे. त्यामुळे पनवेल येथून छत्रपती शिवाजी महाराज टर्मिनसकडे जाणाऱ्या अप हार्बर मार्गावरील १०.३३ ते १५.४९ दरम्यान सुटणाऱ्या सेवा तसेच छत्रपती शिवाजी महाराज टर्मिनस येथून पनवेल/बेलापूरकडे जाणाऱ्या डाउन हार्बर मार्गावरील ०९.४५ ते १५.१२ दरम्यान सुटणाऱ्या सेवा रद्द राहतील.

ट्रान्स हार्बर मार्गावर पनवेल येथून ठाणेकडे जाणाऱ्या अप ट्रान्स-हार्बर मार्गावरील ११.०२ ते १५.५३ दरम्यान सुटणाऱ्या सेवा तसेच ठाणे येथून पनवेलकडे जाणाऱ्या डाउन ट्रान्स-हार्बर मार्गावरील १०.०१ ते १५.२० दरम्यान सुटणाऱ्या सेवा रद्द राहतील .

BMC Election: महापालिकेच्या आखाड्यात ‘आप’! मुंबईत सर्व 227 जागांवर स्वबळाची घोषणा, 21 उमेदवारांची पहिली यादी जाहीर
परेवर महिनाभर ८० फेऱ्या रद्द
पश्चिम रेल्वेवर बोरिवली ते कांदिवली या स्थानकांदरम्यान सहाव्या मार्गिकेच्या कामासाठी आज, शनिवार २० डिसेंबर ते १८ जानेवारी २०२६ या कालावधीत मेगाब्लॉक चालणार आहे. या ब्लॉकदरम्यान सहाव्या आणि पाचव्या मार्गावरील वाहतूक बंद राहणार आहे. हा ब्लॉक रात्री ११ ते पहाटे ४.३० वाजेपर्यंत चालू राहणार आहे. या ब्लॉकचा भाग म्हणून रविवार, २१ डिसेंबरपासून दररोज रात्री ११.३० ते पहाटे ४.३० वाजेपर्यंत ८० लोकल फेऱ्या रद्द राहणार आहेत.