डमी ग्राहकाच्या मदतीने सापळा

वरिष्ठांच्या आदेशानुसार, पोलीस निरीक्षक उमाशंकर कस्तुरे आणि पल्लवी जाधव यांच्या पथकाने पंचासह पालवण रोडवर सापळा रचला. पोलिसांनी एका डमी ग्राहकाला त्या ठिकाणी पाठवले. तिथे उपस्थित असलेल्या अशोक गदळे याने वेश्यागमनासाठी डमी ग्राहकाकडून 1 हजार रुपयांची मागणी केली आणि त्याला वरच्या मजल्यावरील खोलीत जाण्यास सांगितलं. डमी ग्राहकाने ठरल्याप्रमाणे पैसे देऊन पोलिसांना इशारा केला. इशारा मिळताच पोलिसांनी घरात प्रवेश करून छापा टाकला. यावेळी अशोक ज्ञानोबा गदळे (वय 61, रा. मादळमोही, ता. गेवराई) याला ताब्यात घेऊन त्याची झडती घेतली असता, डमी ग्राहकाने दिलेल्या 500 रुपयांच्या दोन नोटा त्याच्याकडे सापडल्या. तसेच, घराची झडती घेतली असता पोलिसांना 12 न वापरलेले निरोध आढळून आले.

Beed News : सहकाऱ्यांसोबत पेट्रोलिंगवर, भरधाव वाहनाची जोरदार धडक; बीडमधील तरुण पोलीस कर्मचाऱ्याचा नगरमध्ये करुण अंत

धक्कादायक माहिती उघड

या कारवाईत पोलिसांनी एका पीडित महिलेची सुटका केली. तिची विचारपूस केली असता, अशोक गदळे आणि आशा सुंदर पवार (वय 45, रा. पालवण रोड) हे दोघे स्वतःच्या आर्थिक फायद्यासाठी बाहेरून महिलांना बोलावून घेतात आणि त्यांच्याकडून वेश्याव्यवसाय करून घेतात, असं तिनं सांगितलं.

Holiday List 2026 मध्ये दिवाळीसह चार सुट्ट्या बुडाल्या, नोकरदार खट्टू, विवाह इच्छुकांसाठीही कठीण वर्ष, अधिक मासामुळे…

शिवाजीनगर ठाण्यात गुन्हा

याप्रकरणी दोन्ही आरोपींविरुद्ध शिवाजीनगर पोलीस ठाण्यात अनैतिक मानवी व्यापार प्रतिबंध कायदा 1956च्या कलम 3, 4, 5, 6 आणि भारतीय न्याय संहिता कलम 3(5) नुसार गुन्हा दाखल करण्यात आला आहे. ही यशस्वी कारवाई पोलीस अधीक्षक नवनीत काँवत, अप्पर पोलीस अधीक्षक सचिन पांडकर यांच्या मार्गदर्शनाखाली उमाशंकर कस्तुरे (पोलीस निरीक्षक), पल्लवी जाधव (पोलीस उपनिरीक्षक), मीरा रेडेकर (महिला फौजदार), उषा चौरे, प्रदीप येवले, अशोक शिंदे आणि योगेश निर्धार आदी कर्मचाऱ्यांनी केली आहे.