महापालिकेच्या भाजपने निवडणूकप्रमुखपदी आमदार राहुल ढिकले यांना हटवून आमदार फरांदे यांची नियुक्ती केली आहे. या नियुक्तीनंतर आमदार फरांदे यांच्या उपस्थितीत शुक्रवारी (दि. २१) भाजप कार्यालयात पदाधिकाऱ्यांसह कार्यकर्त्यांची बैठक झाली. या बैठकीत आमदार फरांदे यांचा पक्षाच्या वतीने सत्कार करण्यात आला. त्यानंतर आमदार फरांदे यांनी इच्छुकांना खडे बोल सुनावले.

हाय सिक्युरिटी, उंच भिंती तरीही ‘माल’ पोहचलाच! नाशिक रोड जेलमध्ये नेमकं चाललंय काय? खळबळजनक खुलासा
इच्छुक भरपूर असले तरी, कोणीतरी एक जण आपल्याला उमेदवारी देईल, माझी फरांदे यांच्याशी ओळख असल्यामुळे उमेदवारी मिळेल, अशा भ्रमात कोणी राहू नका. कुंभमेळामंत्री गिरीश महाजन यांनी ‘शंभर प्लस’चा नारा दिला. हा नारा पूर्ण करण्यासाठी एकजुटीने काम करायचे आहे. कोणाचेही तिकीट आज ‘फिक्स’ नाही. त्यामुळे प्रचार करताना दुसऱ्या इच्छुकाची बदनामी करू नका. कोणाचीही मदत लागू शकते. कोणालाही उमेदवारी मिळो, सर्वांनी एकत्रित काम करावे, असे आवाहनही त्यांनी केले.

आमदार राहुल ढिकले
यांची अनुपस्थिती
या कार्यक्रमाला शहराध्यक्ष सुनील केदार, आमदार सीमा हिरे, माजी आमदार बाळासाहेब सानप, ज्येष्ठ नेते विजय साने, लक्ष्मण सावजी, महिला शहराध्यक्ष स्वाती भामरे, सरचिटणीस काशिनाथ शिलेदार, सुधाकर बडगुजर, नीलेश बोरा, प्रशांत जाधव यांच्यासह पदाधिकारी उपस्थित होते. आमदार राहुल ढिकले वगळता सर्वांनी हजेरी लावल्याने ढिकलेंच्या अनुपस्थितीची चर्चा बैठकीत रंगली.
Nashik Crime : 8 ते 10 दिवसांपासून बेपत्ता, अचानक बॉडी नाल्यात आढळली; नाशिकमधील माजी जि.प. सदस्यासोबत काय घडलं?
युतीबाबत वरिष्ठ आमचे मत घेतील
निवडणुकीत ३१ प्रभागात ‘शतप्रतिशत भाजप’ असा नारा असेल. त्यामुळे सर्वांनी एकत्रित मिळून काम करा, असा सल्लाही त्यांनी दिला. पक्ष योग्य पद्धतीने योग्य उमेदवारांना न्याय देणाऱ्याचा प्रयत्न करेल. सोबतच निवडणुकीत निवडून येण्याचे गणित समजून घ्यायचे आहे. शिवसेनेसोबत युती करायची की नाही, हा निर्णय वरिष्ठ नेते घेतील. परंतु, युती करायची की नाही याबाबत नेते आमचेही मत ऐकून घेतील, असे आमदार फरांदे यांनी सांगितले.