या प्रकरणी केज तालुक्यातील युसूफ वडगाव पोलिस ठाण्यात पोक्सो कायद्यासह अत्याचाराचा गुन्हा दाखल करण्यात आला आहे. पोलिसांनी तातडीने कारवाई करत पळून जाण्याच्या तयारीत असलेल्या आरोपीला अटक केली आहे.

मिळालेल्या माहितीनुसार, पीडित बालिकेचे कुटुंब अत्यंत हलाखीच्या परिस्थितीत आहे. बालिकेचे वडील कर्नाटकात ऊसतोडणीसाठी गेले असून, आईची मानसिक स्थिती ठीक नसल्याने ती नातेवाइकांकडे राहत आहे. त्यामुळे इयत्ता सहावीमध्ये शिकणारी ही बालिका आपल्या ऊसतोड मजूर बहिणीसोबत केज तालुक्यात आली होती. बहिण आणि दाजी हे धारूर तालुक्यातील एका मुकादमाकडून उचल घेऊन केजमधील एका गावात ऊसतोडणीसाठी वास्तव्यास होते.

Buldhana News: ट्रकच्या भीषण धडकेत हसतं खेळतं कुटुंब उद्ध्वस्त; डोळ्यांदेखत पत्नी अन् चिमुकली… हृदयद्रावक घटनेनं सर्वत्र हळहळ

सोमवारी रात्री सर्व मजूर शेतात ऊस ट्रॅक्टर भरण्यासाठी गेले असताना, याच संधीचा गैरफायदा घेत आरोपीने कृत्य केल्याचे फिर्यादीत नमूद आहे. बालिका नैसर्गिक विधीसाठी जात असताना आरोपीने तिच्यावर अत्याचार केला. घटनेनंतर बालिकेने घडलेला प्रकार आपल्या बहिणीला सांगितला. घटनेचे गांभीर्य लक्षात घेऊन तात्काळ युसूफ वडगाव पोलिस ठाण्यात धाव घेण्यात आली आणि गुन्हा दाखल करण्यात आला.

दरम्यान, आरोपीला संशय येताच तो पसार होण्याच्या तयारीत होता. मात्र, युसूफ वडगाव पोलिसांनी तत्परता दाखवत आरोपीला कळंब बसस्थानकावरून ताब्यात घेऊन अटक केली आहे. आरोपीविरोधात कठोर कारवाई करण्यात येणार असून, पुढील तपास पोलीस करत आहेत.

या घटनेमुळे केज तालुक्यासह परिसरात तीव्र संताप व्यक्त होत असून, आरोपीला कठोरात कठोर शिक्षा देण्याची मागणी नागरिकांकडून केली जात आहे.