मुलाचे 11 डिसेंबर रोजी दुपारी तीन वाजेच्या दरम्यान कॅन्सर आजाराने निधन झाले. त्यानंतर चार दिवसाच्या फरकाने 15 डिसेंबर रोजी तीन वाजेच्या दरम्यान वडिलांनीही जगाचा निरोप घेतल्याची घटना मेहकर तालुक्यातील ब्रह्मपुरी येथे घडली. विजय दिगंबर धोंडगे (वय वर्ष 44) आणि दिगंबर देवराव धोंडगे (वय वर्ष 75) असे या बाप लेकाचे नाव आहे.
Buldhana Accident : MBBS साठी पात्र ठरलेल्या ऋतुजाचं डॉक्टर होण्याचं स्वप्न अधुरं राहिलं… बुलढाण्यात हळहळ, काय घडलं?
ब्रह्मपुरी येथे रहिवासी माजी सैनिक तथा सेवानिवृत्त पोस्ट मास्तर तसेच प्रगतशील शेतकरी दिगंबर देवराव धोंडगे हे पत्नी तीन मुले तीन सुना नातवंडे यांच्यासह राहत होते. गेल्या दोन वर्षापासून कॅन्सर या आजाराने ग्रासले होते. परंतु कॅन्सर या आजारातून बरे होऊन त्यांना निमोनिया या आजारात ग्रासले. त्यांच्यावर बुलढाणा येथील डॉक्टर लद्दड हॉस्पिटल येथे उपचार सुरू होते. दरम्यान त्यांचा मुलगा विजय धोंडगे याचे गेल्या सात महिन्यापूर्वी कॅन्सर या आजाराच ऑपरेशन देखील झाले होते. 11 डिसेंबर रोजी मुलगा विजय दिगंबर धोंडगे याचा मृत्यू झाला.
Buldhana News : ओ…मी जिवंत आहे! पोटच्या मुलाकडून आईचं खोटं मृत्यूपत्र बनवून नको तो कारनामा, वृद्ध माऊलीची जिवंत दाखवण्यासाठी धडपड
त्या पाठोपाठ कुटुंबीय शोक सागरात बुडाले असतानाच मुलाच्या मृत्यूचा मोठा धक्का वडील दिगंबर धोंडगे यांना बसला. त्यानंतर 15 डिसेंबर रोजी तीन वाजेच्या सुमारास त्यांनीही जगाचा निरोप घेतला. कुटुंबातील बाप लेकाचा चार दिवसाच्या फरकाने मृत्यू झाल्यामुळे धोंडगे परिवारावर दुःखाचा डोंगर कोसळला आहे. बाप लेखाच्या मृत्यूमुळे गावात हळहळ व्यक्त केली जात आहे. दिगंबर धोंडगे यांच्या पश्चात पत्नी, दोन मुले सुना, नातवंड असा परिवार आहे.