Konkan Railway Special Train : कोकणात ख्रिसमस आणि नववर्षाच्या सुट्ट्यांसाठी येणाऱ्या पर्यटकांची मोठी संख्या असते. अशात रेल्वेकडून खास सुविधा देण्यात आली आहे. कोकण रेल्वे मार्गावर विशेष गाड्या सोडण्यात येणार आहेत.
कोकणात ख्रिसमस आणि नववर्षासाठी गोवा, रत्नागिरी, सिंधुदुर्ग, मंगळुरु, उडुपी यांसारखी ठिकाणे या काळात पर्यटकांनी फुलून जातात. ही वाढती गर्दी लक्षात घेऊन ख्रिसमस आणि नववर्ष 2026 साठी कोकण रेल्वेकडून विशेष रेल्वे गाड्या चालवल्या जात आहेत. याचाच भाग म्हणून विलासपूर (छत्तीसगड) ते मडगाव दरम्यान कोकण रेल्वे मार्गावर विशेष साप्ताहिक गाडी 20 डिसेंबरपासून धावणार आहे. तसंच मुंबई LTT – मंगळुरु साप्ताहिक स्पेशल (8 फे-या) ही गाडीही या मार्गावरून धावणार आहे.
Raigad News : विरार-अलिबाग कॉरिडॉर; कनेक्टिव्हिटी वाढणार, मोरबे, मुंबई, पुणे एक्सप्रेसवे… कसा असणार मार्ग?
गोव्याला नाताळ नववर्ष स्वागतसाठी जाणाऱ्या प्रवाशांकरिता ही गाडी उपयुक्त ठरणार आहे. या साप्ताहिक विशेष गाडीच्या एकूण 8 फेऱ्या होणार आहेत. मध्य भारत ते कोकण-गोवा असा प्रवास करणाऱ्यांसाठी ही मोठी सुविधा असणार आहे.
या विशेष ट्रेनला प्रवासादरम्यान महाराष्ट्रातील आणि कोकण रेल्वे मार्गावरील महत्त्वाच्या स्थानकांवर थांबा देण्यात आला आहे. ही गाडी (क्र. 08241) 20 डिसेंबर ते 10 जानेवारी या काळात दर शनिवारी विलासपूर येथून दुपारी पावणेतीन वाजता सुटेल आणि सोमवारी पहाटे सव्वादोन वाजता मडगावला पोहोचेल.
परतीच्या प्रवासाकरता ही गाडी (क्र. 08242) 22 डिसेंबर ते 12 जानेवारी या काळात दर सोमवारी पहाटे साडेपाच वाजता सुटेल आणि दुसऱ्या दिवशी, मंगळवारी सायंकाळी 4 वाजता विलासपूरला पोहोचेल. कोकणात ही गाडी कल्याण, पनवेल, पेण, रोहा, माणगाव, खेड, चिपळूण, संगमेश्वर, रत्नागिरी, राजापूर, वैभववाडी, कणकवली, कुडाळ आणि सावंतवाडीला थांबेल.
कोकण रेल्वे विशेष गाड्या –
दरवर्षीप्रमाणेच 2026 मध्येही डिसेंबर अखेरपासून जानेवारीच्या पहिल्या आठवड्यापर्यंत कोकण रेल्वे मागविर प्रवाशांची मोठी गर्दी होण्याची शक्यता आहे. यामध्ये मुंबई, पुणे, अहमदाबाद, दिल्ली, बेंगळुरू आणि चेन्नई येथून कोकण व गोव्यात जाणा-या प्रवाशांचा समावेश मोठ्या प्रमाणात असतो. ही गर्दी सुरळीतपणे हाताळण्यासाठी विशेष ट्रेन, अतिरिक्त फे-या आणि जादा उबे जोडण्याचा विचार कोकण रेल्वे प्रशासनाकडून केला जात आहे.
नाताळ सुट्ट्यां व पर्यटनाचा हंगाम नववर्षाच्या स्वागताची तयारी यासाठी कोकणरेल्वे मार्गावर होणारी गर्दी लक्षात घेऊन कोकणसह दक्षिण भारतात जाणा-या प्रवाशांची गर्दी लक्षात घेऊन कोकण रेल्वे आणि मध्य रेल्वेने ७६ विशेष गाड्या चालवण्याचा निर्णय घेतला आहे. यामध्ये लोकमान्य टिळक टर्मिनस (LTT) ते मंगळुरू जंक्शन (Mangaluru Jn) अशा कोकण रेल्वे (Konkan Railway) मार्गे धावणा-या धावणा-या साप्ताहिक विशेष गाड्यांचा समावेश आहे. या गाड्यांचे बुकिंग सुरू झाले आहे.
Mumbai Railway Ticket Fraud : रेल्वेत बोगस AI तिकिटांचा सुळसुळाट ! तपासणीसाठी स्पेशल स्क्वॉड तैनात
मुंबई LTT-मंगळुरु साप्ताहिक स्पेशल (8 फेऱ्या) गाड्यांची माहिती पुढीलप्रमाणे –
- ट्रेन क्र – 01185/01186 (LTT ते मंगळुरू जंक्शन)
कालावधी – 16 डिसेंबर 2025 ते 6 जानेवारी 2026 (4 फे-या)
दिवस – दर मंगळवारी एलटीटीवरून सुटणार.
वेळ – दुपारी 4 वाजता सुटेल आणि दुस-या दिवशी सकाळी 10.5 वाजता मंगळुरू येथे पोहोचेल.
- ट्रेन क्र. 01186 (मंगळुरू जंक्शन ते LTT)
कालावधी – 17 डिसेंबर 2025 ते 7 जानेवारी 2026 (4 फे-या)
दिवस – दर बुधवारी मंगळुरूवरून सुटणार.
वेळ – दुपारी 1 वाजता सुटेल आणि दुस-या दिवशी सकाळी 6.50 वाजता एलटीटीला पोहोचेल.
या स्थानावर थांबा –
ठाणे, पनवेल, पेण, रोहा, खेड, चिपळूण, संगमेश्वर रोड, रत्नागिरी, कणकवली, सिंधुदुर्ग, कुडाळ, सावंतवाडी रोड, थिविम, करमळी, मडगाव जंक्शन, कारवार, गोकर्ण रोड, कुमटा, मुरुडेश्वर, भटकळ, मुकांबिका रोड बायंदूर, कुंदापुरा, उडुपी आणि सुरथकल.
लेखकाबद्दलकरिश्मा भुर्केकरिश्मा भुर्के, महाराष्ट्र टाइम्स ऑनलाइनमध्ये सिनीअर डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ७ वर्ष पत्रकारिता क्षेत्रातील अनुभव. राष्ट्रीय-आंतरराष्ट्रीयसह, सामाजिक, गाव-खेड्यातील विविध विषयांवर लेखनाची आवड. मागील ३ वर्षांपासून महाराष्ट्र टाइम्समध्ये कार्यरत. जोशी-बेडेकर कॉलेजमधून बॅचलर ऑफ मास मीडियाची पदवी, त्यानंतर साठे महाविद्यालयातून मास्टर्स इन जर्नालिजमचं शिक्षण पूर्ण केलं आहे.… आणखी वाचा