शिंदेसेना मुंबई महापालिकेच्या १२५ जागांसाठी आग्रही आहे. २०१७ मध्ये एकसंध शिवसेनेनं ८४ जागा जिंकल्या होत्या. पुढे शिवसेनेच्या नगरसेवकांचा आकडा ९९ पर्यंत पोहोचला. यातील ४७ नगरसेवकांनी आतापर्यंत शिंदेसेनेची वाट धरली आहे. उद्धव ठाकरेंकडे अद्यापही ५२ नगरसेवक आहेत. शिवसेनेतील फुटीनंतर अनेक माजी नगरसेवकांनी सत्तेत गेलेल्या शिंदे यांची साथ दिली. त्याच नगरसेवकांच्या बळावर शिंदे १२५ जागांसाठी आग्रही आहे. पण भाजपनं शिंदे यांना केवळ ५२ जागांचा प्रस्ताव दिलेला आहे.
BMC Election: रात्र वैऱ्याची! शेवटची लढाई…; मुंबईत रातोरात पोस्टर लागले; रहिवासी म्हणतात, हे शब्द तर…
आज झालेल्या जागावाटपाच्या चर्चेनंतर भाजपनं शिंदेसेनेला फक्त ५२ जागा देऊ केल्या आहेत. भाजपनं ५२ जागांची यादी शिंदेसेनेला दिली आहे. शिंदेसेना आणि भाजपमध्ये परवा प्रभाग निहाय चर्चा होणार आहे. पण त्याआधी भाजपनं केवळ ५२ जागांचा प्रस्ताव दिल्यानं शिंदेसेनेत नाराजी आहे. २०१२ आणि २००७ मध्ये विजयी झालेल्या नगरसेवकांचा विचार केल्यास शिंदेसेनेकडे जवळपास १०० माजी नगरसेवकांची फौज आहे. या सगळ्यांना तिकीट मिळवून देण्यासाठी शिंदेसेनेला १२५ जागा हव्या आहेत. पण भाजपनं थेट ५२ जागांची यादी देत शिंदेसेनेची कोंडी केली आहे.

मुंबई महापालिकेत शिंदेसेनेसोबत निवडणूक लढवण्याचा निर्णय भाजपनं फार आधीच घेतलेला आहे. मुंबईत आजही उद्धव ठाकरेंची आजही ताकद आहे. गेल्या विधानसभा निवडणुकीत ठाकरेंना राज्यात केवळ २० जागांवर यश मिळालं. यातील १० जागा मुंबईतील आहेत. शहरात ठाकरेंचे ३ खासदार आहेत. त्यामुळे मुंबईत ठाकरेंची बऱ्यापैकी ताकद आहे.
अखेर ‘तो’ दिवस जवळ आला! फडणवीसांच्या घोषणेनंतर घडामोडींना वेग; पवारांकडून लवकरच मोठी घोषणा
मुंबईत उद्धव ठाकरेंच्या पक्षाला राज ठाकरेंच्या मनसेची सोबत असेल. दोन्ही पक्षांमध्ये वरिष्ठ पातळीवर जागा वाटपाच्या चर्चा सुरु आहेत. ही युती आकाराला आल्यास मुंबईत महायुती विरुद्ध ठाकरे बंधू असा मुकाबला असेल. राज ठाकरेंचा पक्ष प्रथमच युतीत लढेल. दोन्ही पक्ष पहिल्यांदाच महायुतीचा एकत्रित सामना करतील. त्यामुळे मुंबई महापालिकेची निवडणूक अभूतपूर्व असेल.