वाशिम जिल्ह्यातील रिसोड पोलिसांनी या आरोपींविरुद्ध ज्येष्ठ नागरिकाचे अपहरण केल्याचा गुन्हा दाखल केला होता. अंकुश मोहन राठोड, रा. बोरगडी, तांडा, ता. हिमायतनगर, जि. नांदेड यांनी या प्रकरणी तक्रार दिली होती. तांत्रिक विश्लेषण आणि गुप्त सूत्रांकडून मिळालेल्या माहितीनुसार, आरोपी छत्रपपती संभाजीनगरहून अहिल्यानगरच्या दिशेने रवाना झाले होते. ही माहिती वाशिम पोलिसांना मिळताच, जिल्हा पोलीस अधीक्षक सोमनाथ घार्गे यांनी स्थानिक गुन्हे शाखेच्या पथकाला तातडीने कारवाई करण्याचे आदेश दिले.

समृद्धीवर टायरने केला घात! पाटोळे शिवारानजीक भीषण अपघात; किया कारचा चेंदामेंदा, 8 चिमुकल्यांसमोरच दोघांचा करुण अंत!

पोलिसांनी तातडीने शेंडी बायपास आणि एमआयडीसी परिसरात नाकाबंदी केली. दरम्यान, पोलिसांना छत्रपती संभाजीनगरकडून अहिल्यानगरच्या दिशेने एक कार वेगाने येताना दिसली. पोलिसांनी कार थांबवण्याचा प्रयत्न केला, पण कार चालकाने वेगाने एमआयडीसीच्या दिशेने कार वळवली. पोलीस पथकानेही मग कारचा पाठलाग सुरू केला. पाठलाग करताना कार चालकाचे नियंत्रण सुटले आणि कार कॉटेज कॉर्नर येथील डिव्हायडरला धडकून बंद पडली. पोलिसांनी तत्काळ कारमधील तीन जणांना ताब्यात घेतले. त्यापैकी अपहरित व्यक्तीची सुटका करण्यात आली.

पोलिसांनी ताब्यात घेतलेल्या आरोपींकडे चौकशी केली असता, त्यांनी अपहरणाचा गुन्हा केल्याची कबुली दिली. आरोपी राहुल दिलीप म्हस्के आणि सतिष उर्फ बालु विनायक जाधव यांना रिसोड पोलिसांच्या ताब्यात देण्यात आले आहे.पुढील तपास रिसोड पोलीस करत आहेत.

या कारवाईमुळे वाशिम जिल्ह्यात घडणाऱ्या एका मोठ्या गुन्हेगारी कटाचा पर्दाफाश झाला आहे. पोलिसांनी दाखवलेल्या तत्परतेमुळे आणि धाडसामुळे गुन्हेगारांना पकडण्यात यश आले.