आज सकाळी इस्कॉन चौकाच्या पुढे हनुमान मंदिर जवळ सकाळी झालेल्या अपघातामध्ये एक महिला गंभीररित्या जखमी झाली होती उपचारादरम्यान तिचा मृत्यू झाला आहे. रमा कापडी (वय ५३) रा. कात्रज कोंढवा रोड असे अपघातामध्ये मृत्युमुखी पडलेल्या महिलचे नाव आहे. रमा कापडी या जे.एस.पी.एम मध्ये शिक्षिका होत्या. या महिलेच्या पतीचे 15 वर्षांपूर्वी निधन झाले होते. सध्या मुलगी व आई राहत होते. आईचा अपघात झाल्याने आता मुलीच्या उदरनिर्वाहाचा मोठा प्रश्न निर्माण झाला आहे.
Pune News : पुण्यात चाललंय काय? ‘तु आमची टीप देतोस का?’, मुलीसमोरच वडिलांवर हल्ला; पुतण्याकडून आरोपीचं घर गाठलं अन्… धक्कादायक घटना
यात धक्कादायक बाब म्हणजे आज कोंढवा रोड येथे छत्रपती शिवाजी महाराजांच्या पुतळ्याचे अनावरण दुपारी मुख्यमंत्री देवेंद्र फडणवीस यांच्या हस्ते होत आहे. त्यामुळे रस्ता तळ्याजवळ वळविण्यात आला असल्याने रोडचा अंदाज न आल्यामुळे मृत झालेल्या जे.एस.पी.एम मधील शिक्षिका रमा कापडी यांचा अपघात झाला आणि त्यांना आपला जीव गमवावा लागला आहे. मुख्यमंत्र्यांच्या कार्यक्रमामुळे रस्ता वळवण्यात आला होता आणि हा वळवलेला रस्ता लक्षात न आल्याने रमा कापडी यांचा अपघात होऊन त्यांना आपला जीव गमवावा लागला याला जबाबदार कोण? असा सवाल शिवसेना नेते वसंत मोरे यांनी विचारला आहे.
Pune Crime : पुणे हादरले! क्लास सुरू असताना शिक्षकासमोरच मुलांमध्ये वाद: एकाने वर्गातच थेट दुसऱ्याच्या गळ्यावर वार, रक्ताचा सडा अन्…
दरम्यान, कात्रज कोंढवा रस्त्याचे काम मागील अनेक वर्षापासून सुरू असून हा रस्ता अद्यापपर्यंत अपूर्ण आहे. या रस्त्यावर अजून एक मोठे अपघात झाले असून यात शेकडो नागरिकांचा निष्पाप बळी गेलेला आहे. खडीमशीन चौकाकडून कात्रज च्या दिशेने जाताना दुचाकीवरून महिला जात असताना मोठ्या कंटेनरच्या चाकाखाली सकाळी साडे सातच्या दरम्यान येऊन अपघात झाला. या अपघातात महिला गंभीर जखमी झालेल्या रमा कापडी यांचा जीव गेला. मोठ्या प्रमाणात वाहतूक कोंडी व वेळेत उपचार मिळाल्यामुळे महिलेचा मृत्यू झाला अशी माहिती प्रथमदर्शनी दिली आहे.