नाल्यात मानवी अवशेष

पोलिसांकडून प्राप्त माहितीनुसार, काल शनिवारी सकाळी अरूण व त्यांच्या पत्नी ज्योत्स्ना हे शेतात गेले होते. ज्योत्स्ना या बाजूच्या शेतात काम करीत होत्या. सायंकाळी त्या अरूण जिथे काम करीत होते त्या शेतात आल्या. पण तिथे आल्यावर त्यांना आपले पती अरूण दिसले नाहीत. त्यांनी शोध घेतला. अरूण आढळून आले नाहीत. त्यानंतर त्यांनी मोहपा पोलीस चौकात तैनात पोलिसांना अरूण हे बेपत्ता असल्याची माहिती दिली. पोलिसांनी शोध सुरू केला. पोलिसांना मोहगाव सावंगी परिसरातील नाल्यात जळालेले मानवी अवशेष आढळले. घटनास्थळावर आढळलेल्या वस्तूनंतर अरूण यांची ओळख पटली.

Beed Crime: काम फायनान्सचं, धंदा चोरीचा! बीड शहरात दुचाकी चोरीचा भन्नाट प्रकार उघड, मास्टरमाइंड जेरबंद, 8 गाड्या जप्त

भावाने दिली हत्येची कबुली

पोलिसांनी हत्येचा गुन्हा दाखल केला. ज्योत्स्ना यांनी चंद्रशेखर याच्यावर संशय व्यक्त केला. संपत्तीच्या वाटणीवरून दोन्ही भावांमध्ये वाद असल्याचं सांगितलं. पोलीस अधीक्षक हर्ष पोद्दार, अप्पर पोलीस अधीक्षक अनिल म्हस्के, उपविभागीय पोलीस अधिकारी सागर खर्डे यांच्या मार्गदर्शनाखाली स्थानिक गुन्हे शाखेचे निरीक्षक ओमप्रकाश कोकाटे आणि कळमेश्वर पोलीस ठाण्याचे ठाणेदार मनोज काळबांडे व त्यांच्या सहकाऱ्यांनी संशयाच्या आधारे चंद्रशेखर याला ताब्यात घेतलं. त्याची कसून चौकशी केली. चाकूने वार करून अरूण यांची हत्या केली. पुरावा नष्ट करण्यासाठी मृतदेह जाळल्याची कबुली त्याने पोलिसांना दिली. त्यानंतर पोलिसांनी चंद्रशेखरला अटक केली.

Pune Crime : वडील कामानिमित्त पुण्यात, आई कंपनीत गेलेली, घरात एकट्या असलेल्या चिमुकलीला अत्याचार करुन संपवलं; मावळ हादरलं

माजी महिला सरपंचाच्या मुलाने आयुष्य संपवलं

सांगलीच्या मिरजमधील टाकळी येथे माजी सरपंच पुत्राने आत्महत्या केल्याची धक्कादायक घटना समोर आलीय. मयत तरुण हा माजी सरपंच सबिया प्रवीण कोरे यांचा मुलगा आहे. तो पालकांसमवेत टाकळी येथेच राहण्यास होता. घरातील सर्वजण शेतीकामासाठी शेतात गेले होते. यावेळी तो घरी एकटाच होता. त्याने राहत्या घरी गळफास घेतला. शेतातून सर्वजण घरी परतल्यानंतर त्याने गळफास घेतल्याची घटना समोर आली. त्याला तातडीने उपचारासाठी मिरज शासकीय रुग्णालयात दाखल करण्यात आले. परंतु डॉक्टरांनी त्याला मृत घोषित केले.