डोंबिवली पूर्वेकडे राहणारे सचिन (नाव बदलले आहे) मुंबईतील एका कंपनीत काम करतात. समाजमाध्यमावर शेअर ट्रेडिंगचे रील बघताना त्यांच्याकडून अचानक एका रिलच्या खालील लिंकवर क्लिक झाले. त्यानंतर १२५ सदस्य असलेल्या एका व्हॉट्सअॅप ग्रुपमध्ये त्यांना अॅड करण्यात आले. या ग्रुपमध्ये वेगवेगळ्या शेअरबाबत माहिती देण्यात येत होती. सचिन यांनी ट्रेडिंग करण्यास सहमती दर्शवल्यानंतर एका महिलेने त्यांचा एक व्हॉट्सअॅप ग्रुप तयार केला. या ग्रुपमध्ये केवळ पाच सदस्य होते.
Kalyan Crime: टोपीचा वाद टोकाला; हाणामारीत गरोदर महिलेच्या पोटावर मारली लाथ, बाळाचा दुर्दैवी अंत… कल्याणमधील धक्कादायक घटना
एक महिला या ग्रुपची अॅडमिन होती. तिने सचिन यांना पैशाची गुंतवणूक करण्यास सांगितल्यानंतर त्यांनी सुरुवातीला ऑनलाइनद्वारे २० हजार रुपये गुंतवले. त्यावर ३५ हजारांचा नफा झाल्याचे दाखवत होते. त्यातील काही रक्कम सचिन यांनी काढली. काही व्यवहारानंतर सचिन यांना आयपीओ घेण्यास सांगितले. त्यासाठी त्यांनी काही रक्कम गुंतवली. नंतर आयपीओची लॉटरी लागल्याचे भासवून साडेपाच लाख रुपये गुंतवण्यास सांगितले. परंतु, सचिन यांच्याकडे पैसे नसल्याने त्यांना ओटीसी कर्ज घेण्यास भाग पाडले.

KDMC Politics: भाजप, शिंदेसेनेची पालिकेसाठी युती, पण ‘त्या’ नेत्यांची गोची; भाईंच्या होमपीचवर अनेकांची धाकधूक वाढली
त्यांनी एका फायनान्स कंपनीकडून कर्ज घेत, बचत खात्यातील रक्कम मिळून एकूण साडेपाच लाख भरले. नंतर त्यांना झालेल्या २१ लाखांच्या नफ्यापैकी दहा लाख रुपये काढण्याचा प्रयत्न केला. मात्र, पैसे निघाले नाहीत. उलट सायबर गुन्हेगारांनी त्यांच्याकडून आणखी ४ लाख ४० हजार रुपये उकळले. त्यांच्या तक्रारीनंतर मानपाडा पोलिस ठाण्यात गुन्हा दाखल करण्यात आला आहे.