अलिबागचा पर्यटन-रिअल इस्टेट बूम! तब्बल 33.58 कोटींच्या पेंटहाऊसने बाजारात नवा इतिहास

अलिबाग आता लक्झरी रिअल इस्टेटचा नवा केंद्रबिंदू बनला आहे. याचीच प्रचिती देणारा तब्बल 33 कोटी 58 लाख 41 हजार 771 रुपयांचा विक्रमी पेंटहाऊस व्यवहार नुकताच नोंदवला गेला. उपनोंदणी कार्यालय, अलिबाग येथे दस्त क्रमांक 6148/2025 अंतर्गत नोंदवलेल्या या व्यवहारात 5 बेडरूमचा, 856.37 चौ.मी. (9218 चौरस फूट) क्षेत्रफळाचा आलिशान पेंटहाऊस विक्रीसाठी नोंदवला गेला. हा भूखंड लोढा डेव्हलपर्स लिमिटेडतर्फे अधिकृत सिग्नेटरी बर्नार्ड सोरेस यांच्या मार्फत विक्रीसाठी सादर करण्यात आला, तर व्यवहार राहुल बंडेकर (फोर्ट-मुंबई) यांच्या माध्यमातून पूर्ण झाला.