अर्जसाठी अक्षरश: झुंबड

भाजपमध्ये पुणे शहरातील सर्वपक्षीय जवळपास 21 नगरसेवक प्रवेश करणार असल्याची माहिती आहे. यामध्ये सुरुवातीला पहिला टप्प्यामध्ये 11 माजी नगरसेवक प्रवेश करतील आणि नंतर दुसऱ्या टप्प्यात 10 माजी नगरसेवक प्रवेश करतील, अशी माहिती आहे. मात्र, त्यापूर्वीच भारतीय जनता पक्षाने उमेदवारी अर्ज द्यायला सुरुवात केल्यानंतर सर्वपक्षीय उमेदवारांची भारतीय जनता पक्षाचा उमेदवार अर्ज घेण्यासाठी अक्षरशः झुंबड उडाली.

Pune Kasba Ganpati : पुण्यातून मोठी बातमी; कसबा मंदिर 15 डिसेंबरपासून बंद, कारण…; इतिहासात अशी प्रक्रिया पहिल्यांदाच होणार

इतर पक्षातील देखील इच्छुक

हा उमेदवारी अर्ज स्वीकारण्यासाठी जे इतर पक्षातील इच्छुक उमेदवार आहेत त्यांनी तर सर्वप्रथम हजेरी लावली. यामध्ये शरद पवार यांच्या विद्यमान आमदाराचा मुलगा, खडकवासला विधानसभा मतदारसंघातील एका माजी आमदाराची मुलगी, पर्वती विधानसभा मतदारसंघातील एका माजी उपमहापौराचा मुलगा आणि अजित पवारांचे काही माजी नगरसेवक हे भाजपचा अर्ज घेऊन गेल्याचं समोर आलं आहे.

Kalakendra Love Affair: कलाकेंद्रातील नर्तकीच्या प्रेमात जीव दिलेल्या तरुणाच्या प्रकरणात आणखी धक्कादायक माहिती उघड, त्याने प्रेयसीला…

भाजपची डोकेदुखी वाढली

दरम्यान, आगामी पुणे महापालिका निवडणूक भाजप स्वबळावर लढेल हे जवळपास निश्चित मानलं जात आहे. त्या दृष्टिकोनातून भाजपने संपूर्ण 165 जागांची तयारी केली असून सर्व प्रभागातून इच्छुकांचे अर्ज मागवले आहेत. यासाठी दोन दिवसांची मुदत देण्यात आली होती. या दोन दिवसांच्या मुदतीमध्ये तब्बल 2200 अर्ज इच्छुक घेऊन गेले आहेत. प्रभागवार विचार केला तर प्रत्येक प्रभागामध्ये 20 हून अधिक जण भाजपकडून निवडणूक लढण्यासाठी इच्छुक असल्याचं पाहायला मिळत आहे. आता आधीच भाजपमध्ये इच्छुकांची कमी नसताना दुसऱ्या पक्षातील इच्छुकांनी उमेदवारी अर्ज घेऊन गेल्यानंतर भाजपच्या निष्ठवंतांची डोकेदुखी मात्र वाढली आहे हे नक्की.