खेळताना मुलगा शेततळ्यात पडला

पाटकुल (ता. मोहोळ) येथील विजय लोंढे दांपत्य शेतमजुरीसाठी कोर्टी परिसरात आले होते. ते सुरेश शिवदास लाड यांच्या शेतात काम करीत होते. सोमवारी दुपारी अडीच वाजता लोंढे यांचा मुलगा प्रज्वल तळ्याच्या बाजूला झाडाखाली खेळत होता. खेळताना तो शेततळ्यात पडला.

मुलाला वाचवताना आई-वडिलांचा मृत्यू

मुलगा बुडताना पाहून त्याची आई प्रियांका लोंढे यांनी तातडीने तळ्यात उडी घेतली. त्यानंतर दोघांना बाहेर काढण्यासाठी वडील विजय लोंढे यांनीही तळ्यात प्रवेश केला. मात्र तळ्यात मोठ्या प्रमाणात शेवाळ होते आणि तळ्याच्या पृष्ठभागावर कागद अंथरलेला असल्याने तिघांनाही काठावर येता आले नाही. त्यामुळे आई-वडिलांसह मुलाचाही दुर्दैवी मृत्यू झाला.

Kolhapur Crime: लहान मुलांच्या भांडणात मोठ्यांना संताप अनावर, थेट चाकुने… ; नेत्याच्या मुलाला पोलिस कोठडी

पाण्याचा भराव काढून मृतदेह हस्तगत

घटना लक्षात येताच परिसरातील लोकांनी मदतीसाठी धाव घेतली. तत्काळ पंढरपूर ग्रामीण पोलिसांना माहिती देण्यात आली. पोलिसांनी घटनास्थळी धाव घेत पंप लावून आणि भराव फोडून तळ्यातील पाणी बाहेर काढण्याची प्रक्रिया सुरू केली. बराच वेळ प्रयत्नांनंतर तिघांचे मृतदेह बाहेर काढण्यात आले.

पाठी राहीली एकटी पोरकी झालेली मुलगी

घटनेनंतर मृतांचा नातेवाईकांचा तळ्याकडे जमाव जमा झाला. कामानिमित्त बाहेर राहणाऱ्या या कुटुंबातील केवळ एकच मुलगी जिवंत राहिल्याचे समजताच सर्वत्र हळहळ व्यक्त होत आहे. गावात अतोनात दुःखाचे वातावरण असून शेजारी-नातेवाईकांकडून कुटुंबीयांना आधार दिला जात आहे.

या घटनेने संपूर्ण कोर्टी परिसर शोकमग्न झाला असून परिसरात सातत्याने गर्दी होत आहे.